ଲୋଇସିଂହା : ନିଶା ସେବନ ବର୍ଜନ, ଶାରୀରିକ ବ୍ୟାୟମ କରି ସୁସ୍ଥ ଜୀବନଯାପନ ବାର୍ତ୍ତା ଦେଇ ପ୍ରାୟ ୬୦ରୁ ଉର୍ଦ୍ଧ୍ବ ବୟସ୍କ ପୁରୀ ଶ୍ରୀମନ୍ଦିରରୁ ଦିଲ୍ଲୀ ପଦଯାତ୍ରା କରୁଥିବା ବେଳେ ବୁଧୁବାର ରାତିରେ ସେ ଲୋଇସିଂହାଠାରେ ପହଞ୍ଚିଥିଲେ। ତାଙ୍କୁ ସନ୍ଧ୍ୟାରେ ସ୍ଥାନୀୟ କେତେକ ଯୁବକ ଅଗ୍ରେସନ ଭବନରେ ରହିବା ପାଇ ବ୍ୟବସ୍ଥା କରିଥିବା ବେଳେ ସେ ଗୁରୁବାର ସକାଳୁ ପୁଣ ପଦଯାତ୍ରାରେ ବରଗଡ ଅଭିମୁଖେ ଯାଇଥିଲେ। ବରଗଡ, ସହେଲା, ରାୟପୁର ଦେଇ ସେ ଦିଲ୍ଲୀ ଯିବେ ବୋଲି ସୂଚନା ଦେଇଛନ୍ତି। ତାଙ୍କ ନାମ ଅଭିରାମ ଶତପଥୀ ଏବଂ ଘର ଝାରସୁଗୁଡା ଜିଲା ବୋଲି ଜଣାପଡିଛି। ସେ ପୂର୍ବରୁ ବଲାଙ୍ଗିର ସଦେଇପାଲିଠାରେ ବିଦ୍ୟୁତ ବିଭାଗରେ କାର୍ଯ୍ୟରତ ଥିଲେ। କିଛି ବର୍ଷ ହେଲା ଅବସର ଗ୍ରହଣ କରିଛନ୍ତି। ବର୍ତ୍ତମାନ ଯୁବ ସମାଜ ନିଶା ସେବନ ସହ ଶାରୀରିକ ଅକ୍ଷମ ହୋଇ ପଡୁଥିବାରୁ ସେମାନଙ୍କୁ ସଚେତନ କରିବା ପାଇଁ ସେ ପଦଯାତ୍ରା କରୁଥିବା କହିଛନ୍ତି ଶ୍ରୀ ଶତପଥୀ।
Popular Categories
Next article