ଉତ୍ତରପ୍ରଦେଶ : ଉତ୍ତରପ୍ରଦେଶର ମୁରାଦାବାଦ ଜିଲାର ଗଜରୋଲା ଅଞ୍ଚଳରେ ସୋମବାର ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ରାଷ୍ଟ୍ରୀୟ ରାଜପଥରେ ବ୍ରଜଘାଟ ଥାନା ନିକଟରେ ମୋହମ୍ମଦାବାଦ ଗାଁ ନିକଟରେ ପଶୁ ବୋଝେଇ କଣ୍ଟେନରର ସମ୍ମୁଖ ଭାଗ ଟାୟାର ଫାଟି କଣ୍ଟେନର ଭାରସାମ୍ୟ ହରାଇ ଗଭୀର ଗାତ (ଖାଇ ) ମଧ୍ୟକୁ ଖସି ପଡିଥିଲା। ଏହି ଦୁର୍ଘଟଣାରେ ୬ ଜଣ ବେପାରୀଙ୍କର ମୃତ୍ୟୁ ହେବା ସହ ୧୨ ଜଣ ପଶୁଙ୍କର ମଧ୍ୟ ମୃତ୍ୟୁ ହୋଇଛି। କଣ୍ଟେନରଟି ରାଜସ୍ଥାନ ଜୟପୁରରୁ ଚୋଧରପୁର ଆସୁଥିବା ସମୟରେ ରାସ୍ତାରେ ଏହି ଅଘଟଣ ଘଟିଛି। ଦୁର୍ଘଟଣା ପରେ ରାସ୍ତା ଜାମ ହେବା ସହ କିଛି ସମୟ ଗମନାମଗନ ପ୍ରଭାବିତ ହୋଇଥିଲା।
