ସଠିକ ପରିଶ୍ରମ, ଧର୍ମର ପାଳନ ଓ ସଭିଁଙ୍କ ସମ୍ମାନ କରୁଥିବା ବ୍ୟକ୍ତିଙ୍କ ଉପରେ ସର୍ବଦା ରହିଥାଏ ଶନିଦେବଙ୍କ କୃପା

ଶନିଦେବଙ୍କୁ କର୍ମର ପ୍ରଧାନ ଦେବତା ବୋଲି କୁହାଯାଏ। ଅର୍ଥାତ ଶନିଦେବ ସଭିଁଙ୍କୁ କର୍ମ ଅନୁଯାୟୀ ଫଳ ପ୍ରଦାନ କରିଥାଆନ୍ତି।
ସଠିକ ପରିଶ୍ରମ, ଧର୍ମର ପାଳନ ଓ ସଭିଁଙ୍କ ସମ୍ମାନ କରୁଥିବା ବ୍ୟକ୍ତିଙ୍କ ଉପରେ ଶନିଦେବଙ୍କ କୃପା ସର୍ବଦା ରହିଥାଏ।
ପ୍ରତ୍ୟେକ ଶନିବାର ଦିନ ସୋରିଷ ତେଲ ଦାନ କରିବା ଦ୍ୱାରା ଶନିଦେବ ପ୍ରସନ୍ନ ହୋଇଥାଆନ୍ତି।
ପ୍ରତ୍ୟେକ ଶନିବାର ଅଶ୍ୱତ୍ଥ ବୃକ୍ଷକୁ ଜଳ ଅର୍ପଣ କରିବା ସହ ପୂଜାର୍ଚ୍ଚନା ଓ ପରିକ୍ରମା କରନ୍ତୁ। ଏପରି କରିବା ଦ୍ୱାରା ଶନିଦେବଙ୍କ ବିଶେଷ କୃପା ମିଳେ।
ପ୍ରତ୍ୟେକ ଶନିବାର ଦିନ ଶମି ବୃକ୍ଷକୁ ମଧ୍ୟ ପୂଜା କରନ୍ତୁ।
ଶନିଦେବଙ୍କୁ ତେଲ ଅର୍ପଣ କରିବା ସମୟରେ ଧ୍ୟାନ ଦେବେ ଯେପରି ତାହା ଏଣେତେଣେ ପଡ଼ୁନଥିବ।
ଶନିବାର ଦିନ କଳା ରାଶି ଓ ଚମଡ଼ା ଜାତୀୟ ଦ୍ରବ୍ୟ ଦାନ କରନ୍ତୁ।
ଶନିଦେବଙ୍କୁ ତେଲର ଦୀପ ଅର୍ପଣ କରନ୍ତୁ। ଏତଦ ବ୍ୟତୀତ ପ୍ରତ୍ୟେକ ଶନିବାର ପ୍ରଭୁ ହନୁମାନଙ୍କ ନିକଟରେ ସୋରିଷ ତେଲର ଦୀପ ଲଗାଇ ହନୁମାନ ଚାଳିଶା ପାଠ କରନ୍ତୁ।
ଶନିବାର ଦିନ ଯେକୌଣସି ଲୁହା ବାସନରେ ସୋରିଷ ତେଲ ଭର୍ତ୍ତି କରି ନିଜ ମୁହଁ ସେଥିରେ ଦେଖନ୍ତୁ। ଏହାପରେ ସେହି ବାସନ ସହ ତେଲକୁ ଯେକୌଣସି ଅସହାୟଙ୍କୁ ଦାନ କରନ୍ତୁ। ଦାନ ଗ୍ରହଣ କରୁଥିବା ବ୍ୟକ୍ତି ବୟସରେ ବଡ଼ ହୋଇଥିଲେ ଖୁବ ଉତ୍ତମ।
ପ୍ରତ୍ୟେକ ଦିନ ୧୦୮ ଥର ଶନିଦେବଙ୍କ ସରଳ ମନ୍ତ୍ରକୁ ଜପ କରନ୍ତୁ।
ଶୁକ୍ରବାର ରାତିରେ ୧ କିଲୋରୁ ଅଧିକ ଚଣାକୁ ପାଣିରେ ବତୁରାଇ ରଖନ୍ତୁ। ଶନିବାର ଦିନ ସେହି ଚଣାକୁ କଳା ରଙ୍ଗର କପଡ଼ା, କିଛି କୋଇଲା, ଅଳ୍ପ ସିନ୍ଦୂର, ଗୋଟିଏ ଟଙ୍କା ରଖି ଏହାକୁ ନଦୀରେ ଭସାଇ ଦିଅନ୍ତୁ। ଏପରି ଲଗାତର ଆଠଟି ଶନିବାର କରନ୍ତୁ।
ଶନିଦେବଙ୍କ ଯେକୌଣସି ମନ୍ଦିରକୁ ଯାଇ ପ୍ରଭୁଙ୍କ ନିକଟରେ ତେଲାଭିଷେକ କରନ୍ତୁ।
ଶନିଦେବଙ୍କ ବିଶେଷ କୃପା ପ୍ରାପ୍ତି ପାଇଁ ନିୟମିତ ସକାଳେ ଓ ସନ୍ଧ୍ୟାରେ ହନୁମାନ ଚାଲିସା ପାଠ କରନ୍ତୁ। ଏପରି କରିବା ଦ୍ୱାରା ମଙ୍ଗଳ ଓ ଶନି ଶାନ୍ତ ରୁହନ୍ତି ଓ ଭଗବାନଙ୍କ ବିଶେଷ କୃପା ମିଳେ।
ପ୍ରତ୍ୟେକ ଶନିବାର କିମ୍ବା ମାସକୁ ଥରେ ଘରେ ସୁନ୍ଦରାକାଣ୍ଡର ପାଠ ନିଶ୍ଚୟ କରାନ୍ତୁ।