ରାୟପୁର : ସମାଜର ମୁଖ୍ୟ ସ୍ରୋତକୁ ଫେରିଆସିଥିବା କିଛି ମାଓବାଦୀ ଅତୀତରେ ନିଜେ ଧ୍ବଂସ କରିଥିବା ଏକ ସ୍କୁଲ୍ର ପୁନଃନିର୍ମାଣ କରିଛନ୍ତି। ଛତିଶଗଡ଼ର ମାଓପ୍ରବଣ ଅଞ୍ଚଳ ଦାନ୍ତେୱାଡ଼ାରେ ସେମାନେ ୨୦୦୮ ଓ ୨୦୧୫ରେ ଦୁଇଥର ଏହି ସ୍କୁଲକୁ ଧ୍ୱଂସ କରିଥିଲେ। ଦାନ୍ତେୱାଡ଼ାରୁ ୧୦ କିଲୋମିଟର ଦୂର ମାସାପଡ଼ା ଜଙ୍ଗଲରେ ଏହି ପ୍ରାଥମିକ ସ୍କୁଲଟି ଅବସ୍ଥିତ। ସେବେଠାରୁ ଏହା ପରିତ୍ୟକ୍ତ ଅବସ୍ଥାରେ ପଡ଼ିରହିଥିଲା। ସମ୍ପୃକ୍ତ ମାଓବାଦୀମାନେ ଆତ୍ମସମର୍ପଣ ସହ ସାମାଜିକ ଜୀବନଯାପନ କରିବା ପରେ ନିଜ ଭୁଲ୍ ବୁଝି ପାରି ଭାଙ୍ଗି ଦେଇଥିବା ଶିକ୍ଷା ମନ୍ଦିରର ପୁନଃନିର୍ମାଣ କରିଛନ୍ତି। ଏଥିପାଇଁ ସେମାନଙ୍କୁ ତିନି ମାସ ଲାଗିଛି। ଏହି ସ୍କୁଲ ଏବେ ସେମାନଙ୍କ ପୁଅ-ଝିଅଙ୍କ ସହ ସମ୍ପୃକ୍ତ ଅଞ୍ଚଳର ଛାତ୍ରଛାତ୍ରୀଙ୍କୁ ସ୍ୱାଗତ ପାଇଁ ପ୍ରସ୍ତୁତ ହୋଇଛି। ଏହି କାର୍ଯ୍ୟରେ ସେମାନଙ୍କୁ ଜିଲା ପ୍ରଶାସନ ଆବଶ୍ୟକ ସାହାଯ୍ୟ ସହଯୋଗ ଯୋଗାଇ ଦେଉଛି। ଆଗକୁ ସେମାନେ ଭାଙ୍ଗି ଦେଇଥିବା ରାସ୍ତାଘାଟର ପୁନଃନିର୍ମାଣ କରିବେ ବୋଲି କହିଛନ୍ତି।
Popular Categories
Previous article
Next article