ଗୁଜରାଟ : ବାଇକରେ ୨ ବ୍ୟକ୍ତି ସିଂହକୁ ପିଛା କରି ଗିରଫ ହୋଇଥିବା ଖବର ଏବେ ସାମ୍ନାକୁ ଆସିଛି। ଘଟଣାକ୍ରମେ ଗୁଜରାଟର ଜୁନାଗଡ ଅଞ୍ଚଳରେ ବାଇକରେ ୨ ଜଣ ବ୍ୟକ୍ତି ସିଂହକୁ ପିଛା କରିବାର ଭିଡିଓ ଭାଇରାଲ ହେବା ପରେ ସେମାନଙ୍କୁ ଗିରଫ କରାଯାଇଛି।
ସୂଚନା ଅନୁଯାୟୀ, ଭିଡ଼ିଓରେ ଦେଖାଯାଉଛି ଦୁଇ ଅଜଣା ବ୍ୟକ୍ତି ମୋଟରସାଇକେଲରେ ସିଂହକୁ ଗୋଡାଉଥିବାର ଦେଖାଯାଉଛି। ସିଂହଟି ମଧ୍ୟ ହଠାତ ବାଇକଟିକୁ ଦେଖି ଦୌଡ଼ିବାକୁ ଆରମ୍ଭ କରିଛି।
ମୁଖ୍ୟ ବନ୍ୟ ଅଧିକାରୀଙ୍କ ମତାନୁଯାୟୀ, ଭିଡିଓ ଯାଞ୍ଚ କରିବା ସମୟରେ ଜଣାପଡ଼ିଥିଲା ଏହା ଗୁଜରାଟର ଗିର ଇଷ୍ଟ ଫରେଷ୍ଟ ଡିଭିଜନର ତୁଲସିୟାମ ପରିସରର ଗାଦିଆ ଗ୍ରାମ ନିକଟର ବୋଲି ଜଣାପଡ଼ିଛି। ଯେଉଁଠାରେ ଦୁଇ ସ୍ଥାନୀୟ ଲୋକ ସିଂହଙ୍କୁ ହଇରାଣ କରୁଥିଲେ। ଏହାସହ ଭିଡିଓ ମଧ୍ୟ କରୁଥିଲେ। ଭିନ୍ନ ଭିନ୍ନ ଶବ୍ଦ ମଧ୍ୟ କରୁଥିଲେ। ଭିଡିଓ କରିବା ପରେ ସୋସିଆଲ ମିଡିଆରେ ଅପଲୋଡ଼ କରିଥିଲେ। ଯାହା ଭାଇରାଲ ହେବା ପରେ ଘଟଣାର ତଦନ୍ତ ହୋଇ ଉକ୍ତ ୨ ଜଣଙ୍କୁ ଗିରଫ କରାଯାଇଥିଲା। ବନ୍ୟଅଧିକାରୀଙ୍କ କହିବା ଅନୁଯାୟୀ ବନ୍ୟଜନ୍ତୁଙ୍କୁ ହଇରାଣ ଆଦି କରିବା ଅପରାଧ। ଏଭଳି କାର୍ଯ୍ୟ କରିବା ଦ୍ୱାରା ଉକ୍ତ ବ୍ୟକ୍ତିଙ୍କୁ ଟଙ୍କା ଜୋରିମାନା ସହ ଜେଲ ମଧ୍ୟ ହେବ। ଘଟଣାର ତଦନ୍ତ ମଧ୍ୟ କରାଯାଉଛି।
