ନୂଆଦିଲ୍ଲୀ: କର୍ଣ୍ଣେଲ ପ୍ରୀତିପାଲ ସିଂହ ଗିଲ ୧୦୦ ବର୍ଷ ପଦାର୍ପଣ କରିଛନ୍ତି। ସେ ହେଉଛନ୍ତି ଏକମାତ୍ର ଅଧିକାରୀ ଯିଏକି ଭାରତର ନୌସେନା, ବାୟୁସେନା ଏବଂ ସ୍ଥଳସେନାରେ କାର୍ଯ୍ୟ କରିଛନ୍ତି। କର୍ଣ୍ଣେଲ ପ୍ରୀତିପାଲ ପରିବାରର ବିନା ଅନୁମତିରେ ବ୍ରିଟିଶ ଶାସନ ଅଧୀନରେ ରୟାଲ ଇଣ୍ଡିଆନ ଏୟାରଫୋର୍ସରେ ଯୋଗ ଦେଇଥିଲେ। ପରେ ତାଙ୍କୁ କରାଚିରେ ପାଇଲଟ୍ ଅଫିସର ଭାବରେ ନିଯୁକ୍ତ କରାଯାଇଥିଲା। ସେ ହାୱାର୍ଡ ବିମାନ ଉଡାଉଥିଲେ। ସେ ୧୯୬୫ ଭାରତ-ପାକିସ୍ତାନ ଯୁଦ୍ଧରେ ମଧ୍ୟ ଯୋଗ ଦେଇଥିଲେ। ଲେଫ୍ଟନାଣ୍ଟ ଜେନେରାଲ କେଜେ ସିଂହ ତାଙ୍କ ଟୁଇଟରରେ ଗିଲଙ୍କ ବିଷୟରେ ଏହି ସୂଚନା ଦେଇଛନ୍ତି। ଗିଲ୍ ତାଙ୍କ ଟ୍ବିଟରରେ କର୍ଣ୍ଣେଲ ପ୍ରୀତିପାଲଙ୍କ ଯୁବ ଅବସ୍ଥାର ଏବଂ ବର୍ତ୍ତମାନର ଫଟୋ ସେୟାର କରିଛନ୍ତି। ଫଟୋ ସହ କ୍ୟାପସନ ଲେଖିଛନ୍ତି , ‘କର୍ଣ୍ଣେଲ ପ୍ରୀତି ପାଲ ସିଂହ ଗିଲ -୧୦୦ ନଟ୍ ଆଉଟ୍’। ରୟାଲ ଇଣ୍ଡିଆନ ଏୟାରଫୋର୍ସରେ କାମ କରିବା ପରେ କର୍ଣ୍ଣେଲ ପ୍ରୀତିପାଲଙ୍କୁ ଭାରତୀୟ ନୌସେନା ସେନାକୁ ସ୍ଥାନାନ୍ତର କରାଯାଇଥିଲା। ଯେଉଁଠାରେ ସେ ସ୍ୱିପିଂ ଜାହାଜ ଏବଂ ଆଇଏନ୍ଏସ୍ ତୀରରେ କାର୍ଯ୍ୟ କରିଥିଲେ। ସେ ଦ୍ୱିତୀୟ ବିଶ୍ୱଯୁଦ୍ଧ ସମୟରେ ମାଲ ପରିବହନ ଜାହାଜଗୁଡ଼ିକର ତଦାରଖ କରୁଥିଲେ। ଜଣେ ନୌସେନା ଅଧିକାରୀ ଭାବରେ ଡେପୁଟି ଲେଫ୍ଟନାଣ୍ଟ ପ୍ରୀତିପାଲ ଦେଓଲାଲି ସ୍କୁଲ ଅଫ୍ ଆର୍ଟିଲିରିରେ ଲଙ୍ଗ ଗୁନେରୀ ଷ୍ଟାଫ୍ ପାଠ୍ୟକ୍ରମ ଯୋଗ୍ୟତା ଅର୍ଜନ କରିଛନ୍ତି। ଏହା ପରେ ଗିଲଙ୍କୁ ଭାରତୀୟ ସ୍ଥଳସେନାକୁ ସ୍ଥାନାନ୍ତର କରାଯାଇଥିଲା, ଯେଉଁଠାରେ ତାଙ୍କୁ ଗ୍ୱାଲିଅର ମାଉଣ୍ଟେନ୍ ବ୍ୟାଟେରିରେ ପୋଷ୍ଟ କରାଯାଇଥିଲା। ଏହା ବ୍ୟତୀତ ସେ ମଣିପୁରର ଆସାମ ରାଇଫଲ୍ସରେ ମଧ୍ୟ କାର୍ଯ୍ୟ କରିଥିଲେ ।
Popular Categories
Previous article
Next article