କରୋନା ଟୀକା ନେଇ ଆଶ୍ବସ୍ତି : ୟୁରୋପୀୟ ଔଷଧ ନିୟାମକ ଡ଼ିସେମ୍ବର ୨୯ ବୈଠକରେ ମିଳିପାରେ ଅନୁମତି

ବର୍ଲିନ୍ : ୟୁରୋପୀୟ ମେଡିସିନ୍ ଏଜେନ୍ସି (ଔଷଧ ସଂକ୍ରାନ୍ତ ନିୟାମକ) କରୋନା ଟୀକା ସମ୍ପର୍କରେ ଚୂଡ଼ାନ୍ତ ନିଷ୍ପତ୍ତି ନେବ। ନିମନ୍ତେ ଡ଼ିସେମ୍ବର ୨୯ ତାରିଖରେ ଡ଼ାକିଛି ବୈଠକ । ଫାଇଜର ଓ ବାୟୋଟେକ୍ ଦ୍ବାରା ବିକଶିତ ଟୀକାର ନିରାପତ୍ତା ଓ କାର୍ଯ୍ୟକାରିତା ସମ୍ପର୍କରେ ତଥ୍ୟ ଯାଞ୍ଚ ପରେ ଏହା ବ୍ୟବହାର ଲାଗି  ଉପଯୋଗୀ କି ନୁହେଁ ସେ ସମ୍ପର୍କରେ ନିଷ୍ପତ୍ତି ନିଆଯିବ । ମଙ୍ଗଳବାର ଏ ସମ୍ପର୍କରେ ବିଧିବଦ୍ଧ ସୂଚନା ଦିଆଯାଇଛି । ତେବେ ମୋଡ଼ର୍ଣା ଦ୍ବାରା ବିକଶିତ ଟୀକାକୁ ବର୍ତମାନ ଅନୁମୋଦନ କରାଯିବ ନାହିଁ, ଏ ସମ୍ପର୍କରେ ଜାନୁଆରୀ ୧୨ରେ ନିଷ୍ପତ୍ତି ନିଆଯାଇପାରେ ବୋଲି ସୂଚନା ମିଳିଛି ।

ଜର୍ମାନ ଫାର୍ମାସ୍ୟୁଟିକାଲ୍ କମ୍ପାନୀ ବାୟୋନଟେକ ଏବଂ ଏହାର ମାର୍କିନ ସହଯୋଗୀ ସଂସ୍ଥା ଫାଇଜର ମଙ୍ଗଳବାର ଦିନ ଅନୁମୋଦନ ନିୟାମକକୁ ସେମାନଙ୍କ ଟୀକାକୁ ଅନୁମୋଦନ କରିବାକୁ ଅନୁରୋଧ କରିଛନ୍ତି । ଅକ୍ଟୋବର ୬ ତାରିଖରୁ ଆରମ୍ଭ ହୋଇଥିବା ଯାଞ୍ଚ ପ୍ରକ୍ରିୟା ଶେଷ କରିବାକୁ ମଧ୍ୟ ସେମାନେ ଅନୁରୋଧ କରିଛନ୍ତି । ଗତକାଲି ମୋଡ଼ର୍ଣା ପକ୍ଷରୁ ପ୍ରସ୍ତୁତ କୋଭିଡ଼ ଟୀକାକୁ ବ୍ୟବହାର ଅନୁମତି ଦେବା ପାଇଁ ଆମେରିକା ଓ ୟୁରୋପୀୟ ନିୟାମକକୁ ଅନୁରୋଧ କରାଯାଇଥିଲା ।

ବାୟୋନଟେକ୍ ପକ୍ଷରୁ କୁହାଯାଇଛି ଯେ ବର୍ତମାନ  BNT162b2 ନାମକ ଏହି ଟୀକା ଅନୁମୋଦିତ ହୁଏ, ତେବେ ୨୦୨୦ ମସିହା ଶେଷ  ପୂର୍ବରୁ ଏହାର ବ୍ୟବହାର ଆରମ୍ଭ ହୋଇପାରେ । ୪୪୦୦୦ ଲୋକଙ୍କ ଉପରେ ଏହାର କ୍ଲିନିକାଲ ପରୀକ୍ଷା କରାଯାଇଛି ଏବଂ ଏହି ଟୀକା ୯୫% ପ୍ରଭାବଶାଳୀ ସାବ୍ୟସ୍ତ ହୋଇଛି । ବିଶେଷଭାବରେ ଅସୁରକ୍ଷିତ ବୟସ ବର୍ଗ ଉପରେ ଏହାର ପ୍ରଭାବ ୯୪%ରୁ ଅଧିକ ବୋଲି କମ୍ପାନୀ ଦାବି କରିଛି ।

ଅନ୍ୟପକ୍ଷରେ ଔଷଧ ନିୟାମକ ପକ୍ଷରୁ କୁହାଯାଇଛି ଯେ କମ୍ପାନୀ ଦ୍ବାରା ଦାଖଲ ତଥ୍ୟ ଆଧାରରେ ମୋଡ଼ର୍ଣା ଟୀକା ଉପରେ ଯାଞ୍ଚ ଓ ଅନୁଧ୍ୟାନ ଆରମ୍ଭ ହୋଇଛି । ଟୀକା ସୁରକ୍ଷିତ କି ନୁହେଁ ଓ କେତେ ମାତ୍ରାରେ କରୋନାକୁ ରୋକିବାକୁ ସକ୍ଷମ ତାହା ଉପରେ ଏହାର ବ୍ୟବହାର ନିର୍ଭର କରୁଛି । ଯଦି ତଥ୍ୟ ଗୁଣବତ୍ତା, ନିରାପତ୍ତା ଏବଂ କାର୍ଯ୍ୟକାରିତା ସନ୍ତୋଷଜନକ ରହେ ତେବେ ଏହା ଜାନୁଆରୀ ୧୨ ପାଇଁ ଧାର୍ଯ୍ୟ ହୋଇଥିବା ବୈଠକରେ ଏହି ଟୀକାକୁ ଅନୁମୋଦନ କରାଯାଇ ପାରିବ ।

ଫାଇଜରର ମୁଖ୍ୟ କାର୍ଯ୍ୟନିର୍ବାହୀ ଆଲବର୍ଟ ବୋର୍ଲାଙ୍କ ସୂଚନା ଅନୁସାରେ   ଆମେ ଜାଣିଛୁ ଯେ ପୃଥିବୀରେ ଟୀକାର ଜରୁରୀ ଆବଶ୍ୟକତା ରହିଛି । ପ୍ରାଧିକରଣ ଆମକୁ ଅନୁମତି ଦେବା ମାତ୍ରେ ଆମେ COVID-19 ଟିକା ଡୋଜ ପଠାଇବାକୁ ପ୍ରସ୍ତୁତ ଅଛୁ।  ବାୟୋଟେକ୍ ର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ସିଆର୍ କବିତା କହିଛନ୍ତି ଯେ ଆମକୁ ଅନୁମତି ମିଳିବାର କିଛି ଘଣ୍ଟା ମଧ୍ୟରେ ଆମେ ଟୀକା ପଠାଇ ପାରିବୁ ।

ୟୁରୋପୀୟ ୟୁନିଅନର ବରିଷ୍ଠ ଅଧିକାରୀ କହିଛନ୍ତି ଯେ ମହାଦେଶର ୨୭ ଦେଶ ପାଇଁ ଦେଶ ପାଇଁ ପ୍ରାୟ 2 ବିଲିୟନ ଡୋଜ ସମ୍ଭାବ୍ୟ COVID-19 ଟିକା ସୁରକ୍ଷିତ କରାଯାଇଛି ଏବଂ ପ୍ରଥମ ବିତରଣ ବର୍ଷ ଶେଷ ପୂର୍ବରୁ ଆରମ୍ଭ ହେବାର ସମ୍ଭାବନା ରହିଛି।

ୟୁରୋପୀୟ ୟୁନିୟନ ସଭାପତି ଉର୍ସୁଲା ଭନ୍ ଡେର୍ ଲେଏନ୍ କହିଛନ୍ତି ଯେ  ଯଦି ସବୁକିଛି ଠିକ୍ ହୁଏ ତେବେ  ୟୁରୋପୀୟ ନାଗରିକମାନେ ଡିସେମ୍ବର ଶେଷ ପୂର୍ବରୁ ଟୀକା ପାଇପାରିବେ । ୟୁରୋପୀୟ ୟୁନିଅନ ମୋଡର୍ନା, ଆଷ୍ଟ୍ରାଜେନେକା, ସାନୋଫି-ଜିଏସକେ, ଜାନସେନ୍ ଫାର୍ମାସ୍ୟୁଟିକା ଏନଭି, ବାୟୋ ଟେକ୍-ଫାଇଜର ଏବଂ କ୍ୟୁରେଭ୍ୟାକ୍ ସହିତ ଡୋଜ କ୍ରୟ କରିବାକୁ ଅନୁମତି ଦେଇଛି।

ଅନ୍ୟପକ୍ଷରେ ଜର୍ମାନ ବିଜ୍ଞାନ ବିଭାଗ ମନ୍ତ୍ରୀ ମଙ୍ଗଳବାର ଅନ୍ୟ ଔଷଧ ପରି  କରୋନାଭାଇରସ୍ ଟିକା ପାଇଁ ଅନୁମୋଦନ ପ୍ରକ୍ରିୟାରେ ସମାନ ସୁରକ୍ଷା ମାନ ପ୍ରୟୋଗ କରାଯାଉଛି ବୋଲି କହିଛନ୍ତି । ବାୟୋନଟେକ୍ ଓ ଫାଇଜରଙ୍କ ଅନୁମୋଦନ ପ୍ରସଙ୍ଗରେ ଆସନ୍ତା ଡ଼ିସେମ୍ବର ୧୧ ତାରିଖରେ ଶୁଣାଣି ହେବ ବୋଲି ସେ ସୂଚନା ଦେଇଛନ୍ତି ।