ନୂଆଦିଲ୍ଲୀ : ସାମସଙ୍ଗ ନିକଟରେ ଗାଲାକ୍ସି ଏସ୍-ସିରିଜର ସ୍ମାର୍ଟଫୋନର ଦାମ୍ ହ୍ରାସ କରିଥିଲା । ଏବେ କମ୍ପାନୀ ଭାରତରେ ନିଜ ଗତ ବର୍ଷ ଲଞ୍ଚ୍ ହୋଇଥିବା ଆଣ୍ଡ୍ରଏଡ୍ ଟାବଲେଟର ଦାମ୍ କମାଇଛି । ଯଦି ଆପଣ ଗାଲାକ୍ସି ଟ୍ୟାବ୍ ଏ୯ ପ୍ଲସ୍ କିଣିବା ପାଇଁ ଚିନ୍ତା କରୁଛନ୍ତି ତେବେ ଆପଣଙ୍କ ପାଇଁ ଏହା ସୁବର୍ଣ୍ଣ ସୁଯୋଗ । କମ୍ପାନୀ ଏହାର ଦାମ୍ ୩ ହଜାର ଟଙ୍କା ହ୍ରାସ କରିଛି ।
ଏହି ମଡେଲକୁ କମ୍ପାନୀ ଗତ ବର୍ଷ ଅକ୍ଟୋବରରେ ଲଞ୍ଚ୍ କରିଥିଲା । କମ୍ପାନୀ ୮ ଜିବି ଏବଂ ୧୨୮ ଜିବି ଓ୍ବାଇଫାଇ ଭର୍ସନର ଦାମ୍ ୨୦,୯୯୯ ଟଙ୍କା ଏବଂ ୪ ଜିବି ଏବଂ ୬୪ ଜିବି ୫ଜି ଭେରିଏଣ୍ଟର ଦାମ୍ ୨୨,୯୯୯ ଟଙ୍କା ରଖିଥିଲା । ଏବେ ଦାମ୍ ୩ ହଜାର ଟଙ୍କା ହ୍ରାସ କରିଛି କମ୍ପାନୀ । ଅର୍ଥାତ୍ ଉଭୟ ମଡେଲକୁ ଦାମ୍ ଅପେକ୍ଷା ୩ ହଜାର ଟଙ୍କା କମରେ କିଣିପାରିବେ ଗ୍ରାହକ ।
ଏହି ମଡେଲରେ ୧୧ ଇଞ୍ଚର ଡିସପ୍ଲେ ସହିତ ୯୦ ହର୍ଜର ରିଫ୍ରେଶ୍ ରେଟ୍ ମିଳୁଛି । ଅକ୍ଟାକୋର୍ କ୍ବାଲକମ୍ ସ୍ନାପଡ୍ରାଗନ ୬୯୫ ଚିପସେଟ୍ ସହିତ ଆସିଥାଏ ଏହି ମଡେଲ । ଏଥିରେ ୮ ଏମପିର ମେନ୍ କ୍ୟାମେରା ସହିତ ୫ ଏମପିର ସେଲ୍ଫି କ୍ୟାମେରା ରହିଛି । ଏହି ଟ୍ୟାବରେ ୭୦୪୦ ଏମଏଏଚର ବ୍ୟାଟେରୀ ଏବଂ ୧୫ ଡବ୍ଲୁ ଫାଷ୍ଟ ଚାର୍ଜିଂ ସପୋର୍ଟ ମିଳୁଛି ।
Comments are closed.