ନୂଆଦିଲ୍ଲୀ : ସାମାଜିକ ଗଣମାଧ୍ୟମରେ ଏବେ ଅନେକ ପ୍ରକାର ଭିଡିଓ ଭାଇରାଲ ହେଉଛି । ଏଥିରେ କିଛି ଏମିତି ଭିଡିଓ ଅଛି ଯାହା ସମସ୍ତଙ୍କୁ ଚକିତ କରିଥାଏ । ଠିକ୍ ଏମିତି ଏକ ଭିଡିଓ ଏବେ ଇଣ୍ଟରନେଟରେ ଘୁରି ବୁଲୁଛି । ଭିଡିଓରେ ଏକ କଳା ନାଗ ଏକ ବଡ ଥାଳିଆରେ ବସିଥିବା ନଜର ଆସୁଛି । ଏହାକୁ ଏକ ଦମ୍ପତି ପୂଜା କରୁଛନ୍ତି । ତାଙ୍କ ଆଖପାଖରେ ଅନ୍ୟ କିଛି ଲୋକ ମଧ୍ୟ ଅଛନ୍ତି । ଆଉ ଠିକ୍ ଏହି ସମୟରେ ସାପଟି ଫଣା ଦେଖାଇ ଆକ୍ରମଣ କରିବାକୁ ଚେଷ୍ଟା କରୁଛି । ଭିଡିଓଟି ଇଣ୍ଟରନେଟରେ ଭାଇରାଲ ହେଉଛି ।
View this post on Instagram
ଭିଡିଓରେ ନଜର ଆସୁଛି କି ଜଣେ ପୂଜାରୀ ଏକ ପୂଜାର ଆୟୋଜନ କରିଛନ୍ତି । ଏଥିରେ ପରିବାକ ଏକାଠି ହୋଇ ସାପକୁ ପୁଜା କରିବାରେ ମଗ୍ନ ଅଛନ୍ତି । ନାଗ ଉପରେ ଦମ୍ପତି ଦୁଗ୍ଧ ଢାଳି ପୂଜା କରିବା ସମୟରେ ସେ ଫଣା ଦେଖାଇ ଆକ୍ରମଣ କରିବାକୁ ଚେଷ୍ଟା କରୁଛି । ଏହା ପରେ ସମସ୍ତେ ଡରି ପଛକୁ ଘୁଞ୍ଚି ଯାଉଛନ୍ତି ।
ସାମାଜିକ ଗଣମାଧ୍ୟମ କ୍ଷେତ୍ର ଇନଷ୍ଟାଗ୍ରାମରେ ଏହି ଭିଡିଓ ଓମକାର ସନାତନି ନାମକ ଏକ ଆକାଉଣ୍ଟରୁ ସେୟାର କରାଯାଇଛି । ଭିଡିଓର କ୍ୟାପ୍ସନରେ ହିନ୍ଦୁ ଧର୍ମରେ ନାଗ ପୂଜାର ମାହାତ୍ମ୍ୟ ସମ୍ପର୍କରେ ବର୍ଣ୍ଣନା କରାଯାଇଛି । ଏହି ଭିଡିଓକୁ ୨ କୋଟିରୁ ଅଧିକ ଲୋକ ଦେଖିସାରିଲେଣି । ୧୦ ଲକ୍ଷରୁ ଅଧିକ ଲୋକ ଏହାକୁ ପସନ୍ଦ କରିଛନ୍ତି ଏବଂ ସମସ୍ତେ ଏହାକୁ ସେୟାର କରୁଛନ୍ତି ।
Comments are closed.