ଟ୍ରେଡ଼ ୟୁନିୟନ ଧର୍ମଘଟରେ ଯୋଗ ଦେଇ ପାରିବେ ନାହିଁ ସରକାରୀ କର୍ମଚାରୀ; କେନ୍ଦ୍ର ସରକାର ଜାରି ଗଲେ ମାର୍ଗଦର୍ଶିକା

ଆସନ୍ତା କାଲି (ନଭେମ୍ବର ୨୬) ତାରିଖରେ ୧୦ଟି ଶ୍ରମିକ ସଙ୍ଗଠନ ଧର୍ମଘଟ ଡ଼ାକରା ଦେଇଛନ୍ତି । ଅନ୍ୟ ପକ୍ଷରେ ଏହି ଧର୍ମଘଟ ପ୍ରସଙ୍ଗରେ କେନ୍ଦ୍ର ସରକାର ନିଜ କର୍ମଚାରୀଙ୍କ ନିମନ୍ତେ ଗ୍ରହଣ କରିଛନ୍ତି କଠୋର ପଦକ୍ଷେପ । କେନ୍ଦ୍ର ସରକାରଙ୍କ କାର୍ମିକ ମନ୍ତ୍ରଣାଳୟର ନିର୍ଦେଶନାମା ଅନୁସାରେ ଏହି ଧର୍ମଘଟରେ ସରକାରୀ କର୍ମଚାରୀଙ୍କ ଯୋଗଦାନକୁ ବାରଣ କରାଯାଇଛି ।

ଆସନ୍ତାକାଲି ଟ୍ରେଡ ୟୁନିଅନ ଅଲ ଇଣ୍ଡିଆ ଟ୍ରେଡ ୟୁନିଅନ କଂଗ୍ରେସ (AITUC), ଇଣ୍ଡିଆନ ନ୍ୟାସନାଲ ଟ୍ରେଡ ୟୁନିଅନ କଂଗ୍ରେସ (INTUC), ଇଣ୍ଡିଆନ ଟ୍ରେଡ ୟୁନିଅନ (ସିଆଇଟିୟୁ), ହିନ୍ଦ ମଜଦୁର ସଭା (ଏଚଏମଏସ), ଅଲ ଇଣ୍ଡିଆ ୟୁନାଇଟେଡ ଟ୍ରେଡ ୟୁନିଅନ ସେଣ୍ଟର (AIUTUC), ଟ୍ରେଡ ୟୁନିଅନ କୋ-ଅର୍ଡିନେସନ୍ ସେଣ୍ଟର (ଟିୟୁସିସି), ଅଲ୍ ଇଣ୍ଡିଆ ସେଣ୍ଟ୍ରାଲ୍ କାଉନସିଲ୍ ଅଫ୍ ଟ୍ରେଡ ୟୁନିଅନ୍ସ (ଏଆଇସିସିଟିୟୁ),ସ୍ବୟଂ ନିଯୁକ୍ତ ମହିଳା ସଙ୍ଗଠନ (ସେଭା), ପ୍ରଗତିଶୀଳ ଶ୍ରମିକ ଫେଡେରେଶନ (ଏଲପିଏଫ) ଏବଂ ୟୁନାଇଟେଡ ଟ୍ରେଡ ୟୁନିଅନ କଂଗ୍ରେସ (UTUC) ଧର୍ମଘଟ ଡ଼ାକରା ଦେଇଛନ୍ତି । ଏଥିରେ ଅଲଇଣ୍ଡିଆ ବ୍ୟାଙ୍କ କର୍ମଚାରୀ ସଂଘ (AIBEA) ସାଧାରଣ  ଯୋଗଦେବାକୁ ଘୋଷଣା କରିଛି।

ଯୋଜନା ଶ୍ରମିକ, ଘରୋଇ ଶ୍ରମିକ, ନିର୍ମାଣ ଶ୍ରମିକ, ବିଡି କର୍ମଚାରୀ, ହକର, ବିକ୍ରେତା, କୃଷି ଶ୍ରମିକ, ଗ୍ରାମାଞ୍ଚଳ ତଥା ସହରାଞ୍ଚଳର ସ୍ବଂୟ ନିଯୁକ୍ତ ବ୍ୟକ୍ତି ମଧ୍ୟ ‘ଚକ୍କା ଜାମ’ ଜାମ ଲାଗି ଡ଼ାକରା ଦେଇଛନ୍ତି ।