ବିଶ୍ୱର ଅଗ୍ରଣୀ ଶିକ୍ଷାନୁଷ୍ଠାନ ମଧ୍ୟରୁ ଅକ୍ସଫୋର୍ଡ ୟୁନିଭରସିଟିର ଛାତ୍ରମାନେ କ୍ୟାଣ୍ଟିନ ଏବଂ କ୍ୟାମ୍ପସ ଭିତରେ ଥିବା ଅନ୍ୟ ଖାଦ୍ୟ ଷ୍ଟଲରେ ଗୋମାଂସ ପରିବେଷଣକୁ ବିରୋଧ କରିଛନ୍ତି ଛାତ୍ରଗୋଷ୍ଠୀ । ଛାତ୍ର ସଙ୍ଗଠନର ଦୁଇ ତୃତୀୟାଂଶ ଛାତ୍ରଗୋଷ୍ଠୀ ଗୋମାଂସ ଉପରେ ପ୍ରତିବନ୍ଧକ ଲଗାଇବା ସପକ୍ଷରେ ଭୋଟ ଦେଇଛନ୍ତି ।
ଅବଶ୍ୟ ଛାତ୍ରମାନଙ୍କ ବିରୋଧ ବା ଗୋମାଂସ ଭକ୍ଷଣକୁ ବିରୋଧ କରାଗଲେ ତାହା ବିଶ୍ବବିଦ୍ୟାଳୟ କର୍ତ୍ତୃପକ୍ଷ କାର୍ଯ୍ୟକାରୀ କରି ପାରିବେ ନାହିଁ । ଏଥିପାଇଁ ଛାତ୍ରଛାତ୍ରୀଙ୍କୁ ବିଶ୍ବବିଦ୍ୟାଳୟ ପ୍ରଶାସନ ନିକଟରେ ଦାବି କରିବାକୁ ପଡ଼ିବ ଓ କାର୍ଯ୍ୟନିର୍ବାହୀ କମିଟି ବୈଠକରେ ଏହି ପ୍ରସ୍ତାବ ଗୃହୀତ ହେବାର ଆବଶ୍ୟକତା ରହିଛି ।
ଇଂରାଜୀ ସମ୍ବାଦପତ୍ର ଡେଲି ମେଲ୍ ଖବର ଅନୁଯାୟୀ ବର୍ତ୍ତମାନ ଏହି ପ୍ରସ୍ତାବ ବିଶ୍ୱବିଦ୍ୟାଳୟର ପରିଚାଳନାକୁ ପଠାଯାଇଛି ଯେଉଁଥିରେ ପରିଚାଳନା ନିଷ୍ପତ୍ତି ନେବାକୁ ପଡିବ। ବିଶେଷ କଥା ହେଉଛି ଜଳବାୟୁ ପରିବର୍ତ୍ତନ ଅଭିଯାନରେ ଛାତ୍ରମାନେ ଏହି ପ୍ରସ୍ତାବ ଆଣିଛନ୍ତି। କ୍ୟାମ୍ପସରେ ଗୋମାଂସ ଏବଂ ମେଣ୍ଢାମାଂସ ଉପରେ ନିଷେଧାଦେଶ ନିମନ୍ତେ ଦାବି କରିବାର ଉଦ୍ଦେଶ୍ୟ ହେଉଛି ଗ୍ରୀନ୍ ହାଉସ୍ ଗ୍ୟାସ୍ ନିର୍ଗମନକୁ ହ୍ରାସ କରିବା।
ବିଶ୍ୱବିଦ୍ୟାଳୟ ପକ୍ଷରୁ ପ୍ରକାଶିତ ସମ୍ବାଦପତ୍ର ଅନୁଯାୟୀ, ଛାତ୍ରଛାତ୍ରୀମାନେ ଏହି ଅଭିଯାନ ସେତେବେଳେଆରମ୍ଭ କରିଥିଲେ ଯେଉଁ ସମୟରେ ବିଶ୍ୱବିଦ୍ୟାଳୟ ସ୍ୱୀକାର କରିଥିଲା ଯେ ଏହା ୨୦୨୧ ପାଇଁ ନିର୍ମିତ କାର୍ବନ ନିର୍ଗମନ ଲକ୍ଷ୍ୟ ପୂରଣ କରିବାରେ ବିଫଳ ହୋଇଛି। ଏହା ପରେ ଛାତ୍ରମାନେ ଗୋମାଂସ ଏବଂ ମେଣ୍ଢା ମାଂସ ବିଶ୍ବବିଦ୍ୟାଳୟ କ୍ୟାଣ୍ଟିନରେ ଦିଆଯିବାକୁ ବିରୋଧ କରିଥିଲେ । ଗୋମାଂସ ଏବଂ ମେଣ୍ଢାମାଂସ ନିଷିଦ୍ଧ କରି ୨୦୩୦ ର ଜଳବାୟୁ ପରିବର୍ତ୍ତନ ଲକ୍ଷ୍ୟ ହାସଲ କରିବା ପାଇଁ ସବୁଠାରୁ ପ୍ରଭାବଶାଳୀ ଉପାୟ ହୋଇପାରେ ବୋଲି ଛାତ୍ରଗୋଷ୍ଠୀ କହିଛନ୍ତି ।
