କେନ୍ଦ୍ରୀୟ ମୋଟରଯାନ ନିୟମକୁ ପୁଙ୍ଖାନୁପୁଙ୍ଖ ଭାବେ ଅଧିକାଂଶ ଭାରତୀୟ ଜାଣନ୍ତି ନାହିଁ। ବସରେ ଯାତ୍ରା କରୁଥିବା ଲୋକେ ଏହା ସମ୍ପର୍କିତ ସମସ୍ତ ତଥ୍ୟ ଜାଣି ରଖିବା ସେମାନଙ୍କ ପାଇଁ ହିଁ ଉପକାରୀ।
ଭାରତର ବିଭିନ୍ନ ପ୍ରାନ୍ତରେ ଯାତାୟାତ କରୁଥିବା ସଂଖ୍ୟାଧିକ ଲୋକାଲ୍ ବସରେ ଅନେକ ଯାତ୍ରୀ ଛିଡ଼ା ହୋଇ ଯାତ୍ରା କରୁଥିବାର ଦେଖାଯାଏ। ତେବେ ନିୟମ ଅନୁସାରେ ସ୍ଥାନ ଅଭାବ ଥିଲେ, ଅତିବେଶୀରେ ୧୨ଜଣ ଯାତ୍ରୀ ଗୋଟିଏ ବସରେ ଛିଡ଼ା ହୋଇ ଯାତ୍ରା କରିପାରିବେ।
ଶୀତତାପନିୟନ୍ତ୍ରିତ ବସରେ ଯାତ୍ରୀଙ୍କୁ ଏହାର ସୁବିଧା ନ ମିଳିଲେ, ସେମାନେ ଖାଉଟି ଅଦାଲତରେ ଆବେଦନ କରିପାରିବେ।
ଗନ୍ତବ୍ୟସ୍ଥଳରେ ବସ୍ ଯାତ୍ରୀଙ୍କୁ ନ ପହଞ୍ଚାଇଲେ ବସ୍ ମାଲିକ ଯାତ୍ରୀଙ୍କୁ ଏହାର ଭରଣା ଦେବା ବାଧ୍ୟତାମୂଳକ ଅଟେ।
ଯାତ୍ରୀଙ୍କୁ କଣ୍ଡକ୍ଟର କିମ୍ବା ବସ୍ ଚାଳକ ଦୁର୍ବ୍ୟବହାର କଲେ, ସେମାନେ ଅଭିଯୋଗ କରିପାରିବେ। ଚାଳକଙ୍କ କାରଣରୁ ବସ୍ ଦୁର୍ଘଟଣାଗ୍ରସ୍ତ ହେଲେ, ଯାତ୍ରୀ ଖାଉଟି ଅଦାଲତରେ ଅଭିଯୋଗ କରି କ୍ଷତିପୂରଣ ନେବାର ନିୟମ ରହିଛି।
ବସ ଛାତ ଉପରେ ଯାତ୍ରୀ ବସିଯିବା ସମ୍ପୂର୍ଣ୍ଣ ବେନିୟମ ଅଟେ।
