ଧର୍ମଗଡ଼ : ଗୁପ୍ତଧନ ସନ୍ଧାନରେ ଆସିଥିବା ଦୁଇଜଣ ଯୁବକଙ୍କୁ ରଙ୍କାବାହାଲ ଗ୍ରାମବାସୀ ଅଟକ ରଖିଥିବା ବେଳେ ଆଉ ୭ଜଣ ଫେରାର ହୋଇଯାଇଥିବା ଜଣାପଡିଛି। ଅଟକ ଦୁଇ ଯୁବକଙ୍କୁ ଧର୍ମଗଡ଼ ପୁଲିସ ଜିମା ଦିଆଯାଇଛି ା
ଗତ ବିଳମ୍ବିତ ରାତିରେ ରଙ୍କାବାହାଲ-ବାଗବାହାଲି ଛକ ନିକଟସ୍ଥ ଏକ ନିଛାଟିଆ ସ୍ଥାନରେ କେତେକ ଯୁବକ ପୂଜାପାଠ କରୁଥିଲେ। ଜମିକୁ ପାଣି ମଡାଇବାକୁ ଯାଇଥିବା ଚାଷୀମାନେ ଏହା ଦେଖି ଗ୍ରାମବାସୀଙ୍କୁ ଜଣାଇଥିଲେ। ଗ୍ରାମବାସୀ ସେଠାରେ ପହଞ୍ଚିବା ପରେ ୭ଜଣ ଯୁବକ ଫେରାର ହୋଇଯାଇଥିଲେ ମଧ୍ୟ ଦୁଇଜଣଙ୍କୁ ଗ୍ରାମବାସୀ କାବୁ କରିଥିଲେ। ଘଟଣାସ୍ଥଳରେ ଏକ ଗାତ ଖୋଳା ଯାଇଥିବା, ନଡ଼ିଆ, ଧୂପ, ସିନ୍ଦୁର ଆଦି ବିଭିନ୍ନ ପୂଜା ସାମଗ୍ରୀ ସହ ଏକ ତନ୍ତ୍ରସାଧନ ପୁସ୍ତକ, କଟୁରୀ, ମଣିଷ ଖପୁରୀ, ହାଡ଼ ଆଦି ଥିବା ଗ୍ରାମବାସୀ ଦେଖିବାକୁ ପାଇଥିଲେ। ଅଟକ ଯୁବକଙ୍କୁ ପଚରାଉଚୁରା କଲେ ମଧ୍ୟ ସେମାନେ କୌଣସି ସଠିକ୍ ଉତ୍ତର ଦେଇପାରି ନ ଥିଲେ। ରାତିରେ ଗ୍ରାମବାସୀ ଧର୍ମଗଡ଼ ପୁଲିସକୁ ଖବର ଦେଇଥିଲେ ହେଁ ପୁଲିସ ନ ଆସିବାରୁ ଦୁଇ ଯୁବକଙ୍କୁ ଗାଁକୁ ନେଇ ଗଁାଲୋକେ ଜଗି ରହିଥିଲେ। ଆଜି ସକାଳେ ଧର୍ମଗଡ଼ ପୁଲିସ ରଙ୍କାବାହାଲ ଯାଇ ଅଟକ ଦୁଇ ଯୁବକଙ୍କୁ ଥାନାକୁ ଆଣି ପଚରାଉଚୁରା କରିବାରୁ ସେମାନେ ଯୋଗେଶ୍ୱର ବଚ୍ଛା ଓ ଶରତ ଖର୍ସେଲ ଏବଂ ଘର ଜୁନାଗଡ଼ ଓ କଲମପୁର ବ୍ଳକ ଅଂଚଳେର ବୋଲି ଜଣାପଡିଥିଲା ା ଏନେଇ ପୁଲିସ ଏକ ଷ୍ଟେସନଡାଇରୀ କରି ତଦନ୍ତ କରୁଛି।
Comments are closed.