ନୂଆଦିଲ୍ଲୀ: ଦୀର୍ଘ ସମୟ ଅପେକ୍ଷା କରିବା ପରେ ମୋଟରୋଲାର ଟ୍ରୁ ଓୟାରଲେସ ଇୟରବଡ ଭାରତୀୟ ବଜାରରେ ବଜାରରେ ପର୍ବେଶ କରିଛି। ମୋଟରୋଲାର ଟେକ୍ ୩ ଟ୍ରାଇକ୍ସ ଇୟରବଡ୍(Tech3 TriX) ଗୋଟିଏରେ ତିନୋଟିର ଫିଚର ପାଇପାରିବେ। ଏହାକୁ ଆମେ ଥ୍ରୀ ଇନ ଓ୍ବାନ ମଧ୍ୟ କହି ପାରିବା । ଅର୍ଥାତ୍ ଆପଣ ଏହାକୁ ତିନୋଟି ଉପାୟରେ ତାର, ବିନାତାର ଏବଂ ଇୟରବଡ ରୁପେ ବ୍ୟବହାର କରିପାରିବେ। ଫ୍ଲିପକାର୍ଟରେଟେକ୍ ୩ ଟ୍ରାଇକ୍ସ ବିକ୍ରି ଆରମ୍ଭ ହୋଇଛି।
ମୋଟରୋଲା ଟେକ୍ ୩ ଟ୍ରାଇକ୍ସର ପ୍ରକୃତ ମୂଲ୍ୟ ହେଉଛି ୯,୯୯୯ ଟଙ୍କା କିନ୍ତୁ ବିକ୍ରୟ ଅଧୀନରେ ଏହା ୪,୯୯ ଟଙ୍କା ରିହାତି ସହିତ ୫,୯୯୯ ଟଙ୍କାରେ ବିକ୍ରି ହେଉଛି। ଏହି ଇୟରଫୋନ୍ ବଜାରରେ କେବଳ କଳା ରଙ୍ଗରେ ଉପଲବ୍ଧ।
ମୋଟରୋଲାର ଇୟରଫୋନର ସବୁଠାରୁ ବଡ ଫିଚର ହେଉଛି ଆପଣ ଏହାକୁ ତିନୋଟି ଉପାୟରେ ବ୍ୟବହାର କରିପାରିବେ। ଏହା ଏକ ହାଇବ୍ରିଡ୍ ଡିଜାଇନରେ ପ୍ରସ୍ତୁତ ହୋଇଛି। ସଂଯୋଗ ପାଇଁ ଏଥିରେ ବ୍ଲୁଟୁଥ୍ ୫.୦ ଦିଆଯାଇଛି। ଏହାସହ ଚାର୍ଜିଂ କେସ୍ ରହିଛି ଏହାର ବ୍ୟାଟେରୀକୁ ଥରେ ଚାର୍ଜ କଲେ ୧୮ ଘଣ୍ଟା ସମୟ ପର୍ଯ୍ୟନ୍ତ ରଖିପାରିବ ବୋଲି କମ୍ପାନୀ ପକ୍ଷରୁ କୁହାଯାଇଛି।
ଏହାର ବେତାର ମୋଡ୍ କମ୍ପାନୀ ଦ୍ୱାରା ସ୍ପୋର୍ଟ ଲୁପ୍ ନାମରେ ନାମିତ ହୋଇଛି। ଏହି ମୋଡ୍ ରେ, ଆପଣ ଏକ ତାର ମାଧ୍ୟମରେ ଇୟରବଡକୁ ସଂଯୋଗ କରିବାରେ ସକ୍ଷମ ହେବେ ଏବଂ ଏହାକୁ ବେକରେ ପକାଇ ବ୍ୟବହାର କରିବେ। ଆମାଜନ ଆଲେକ୍ସା ସହିତ ଗୁଗୁଲ୍ ଆସିଷ୍ଟାଣ୍ଟ ଏବଂ ଆପଲ୍ ସିରି ମଧ୍ୟ ଏହି ଇୟରଫୋନରେ ସମର୍ଥନ କରାଯାଇଛି । ଏଥପାଇଁ ଭର୍ଭ ଲାଇଫ୍ ଆପ୍ ବ୍ୟବହାର କରିବାକୁ ପଡିବ। ଏହି ଆପରେ ଇୟରଫୋନ୍ ଚିହ୍ନଟ ଫିଚର ରହିଛି ଯାହା ମାଧ୍ୟମରେ ଆପଣ ଏହି ଇୟରଫୋନର ସଂଯୋଗ ମିଳିପାରିବ। ଜଳ ପ୍ରତିରୋଧକ ପାଇଁ IPX5 ରେଟିଂ ମଧ୍ୟ ମିଳିଛି।
