ଦେଖନ୍ତୁ ହିଟ୍ ମ୍ୟାନ ରୋହିତଙ୍କ ବିଶାଳ ଛକ୍କା: ଷ୍ଟାଡ଼ିଅମ ବାହାରେ ଯାଉଥିବା ବସ୍ ଉପରେ ପଡ଼ିଲା ବଲ

କ୍ରିକେଟରେ ବଡ଼ବଡ଼ ସଟ୍ ମାରିବାର କ୍ଷମତା ରଖୁଥିବା ଭାରତୀୟ କ୍ରିକେଟ ଦଳର ଅନ୍ୟତମ ଓପନର ରୋହିତ ଶର୍ମାଙ୍କୁ କୁହାଯାଏ ହିଟ୍ ମ୍ୟାନ୍ । ନିଜର ଆକ୍ରମଣାତ୍ମକ ବ୍ୟାଟିଂ ନିମନ୍ତେ ପ୍ରସିଦ୍ଧ ରୋହିତଙ୍କ ଅଗ୍ନିବର୍ଷୀ ବ୍ୟାଟରୁ ଯେତେବେଳେ ରନ୍ ଆରମ୍ଭ ହୁଏ ତାହା କେଉଁଠି ଶେଷ ହେବ ତାହା କହିହୁଏନାହିଁ । ୟୁଏଇରେ ଆଇପିଏଲ ମ୍ୟାଚ୍ ପୂର୍ବରୁ ଅଭ୍ୟାସ ମ୍ୟାଚରେ ରୋହିତଙ୍କ ଏକ ଛକ୍କା ବେଶ୍ ଚର୍ଚିତ ହୋଇଛି । ୯୫ ମିଟରର ଏହି ଛକ୍କା ପଡ଼ିଆ ଅତିକ୍ରମ କରି ଷ୍ଟାଡ଼ିଅମ ବାହାରେ ଯାଉଥିବା ଏକ ବସ୍ ଉପରେ ପଡ଼ିଥିବା ଦେଖାଯାଉଛି । ମୁମ୍ବାଇ ଇଣ୍ଡିଆନ ଅଫିସିଆଲ ଟ୍ବିଟର ପେଜ ଏହାକୁ ସ୍ଥାନ ଦିଆଯାଇଛି ।

? Batsmen smash sixes
? Legends clear the stadium
? Hitman smashes a six + clears the stadium + hits a moving ?#OneFamily #MumbaiIndians #MI #Dream11IPL @ImRo45 pic.twitter.com/L3Ow1TaDnE

— Mumbai Indians (@mipaltan) September 9, 2020

ଆସନ୍ତା ୧୯ ତାରିଖରେ ମୁମ୍ବାଇ ଇଣ୍ଡିଆନ ଚଳିତ ଆଇପିଏଲର ପ୍ରଥମ ମ୍ୟାଚ୍ ଆବୁଧାବିରେ ଚେନ୍ନଇ ସୁପରକିଙ୍ଗ ସହ ଖେଳିବ । ଏଥିପାଇଁ ରୋହିତ ଓ ତାଙ୍କ ଦଳ ଆବୁଧାବୀରେ ଅଭ୍ୟାସ ଚଳାଇଛନ୍ତି । ଏହି ଅଭ୍ୟାସକାଳରେ ରୋହିତଙ୍କ ଆକାଶଛୁଆଁ ଛକ୍କା ୯୫ ମିଟର ଅତିକ୍ରମ କରିଛି । ଦଳର ଟ୍ବିଟର ଆକାଉଣ୍ଟରେ ସ୍ଥାନୀତ ଭିଡ଼ିଓରେ ଦେଖାଯାଇଛି ଯେ ଏକ ଫୁଲ୍ ଲେନ୍ଥ ବଲକୁ ରୋହିତ ଫ୍ରଣ୍ଟଫୁଟ୍ ଆସି ଆକାଶକୁ ମାରୁଛନ୍ତି । ରୋହିତଙ୍କ ଶକ୍ତିଶାଳୀ ଡ଼୍ରାଇଭରେ ବଲଟି ଷ୍ଟାଡ଼ିଅମ ଅତିକ୍ରମ କରି ଯାଇଛି ଏବଂ ରାସ୍ତା ଆରପଟେ ଯାଉଥିବା ଏକ ଧଳା ରଙ୍ଗର ବସ ଛାତରେ ପଡ଼ୁଛି ।

ପଡ଼ିଆରେ ଲମ୍ବା ଛକ୍କା ମାରିବାରେ ରୋହିତ ଭାରତୀୟ ବ୍ୟାଟ୍ସମ୍ୟାନଙ୍କ ମଧ୍ୟରେ ଆଗରେ ଅଛନ୍ତି । ଆଇପିଏଲରେ ରୋହିତ ଏ ପର୍ଯ୍ୟନ୍ତ ୧୯୪ ଛକ୍କା ମାରିଛନ୍ତି । ଆଇପିଏଲରେ ସର୍ବାଧିକ ଛକ୍କା ମାରିବାରେ ୪ର୍ଥ ସ୍ଥାନରେ ରୋହିତ ଓ ତୃତୀୟ ସ୍ଥାନରେ ରହିଛନ୍ତି ଧୋନୀ । ପ୍ରଥମ ସ୍ଥାନରେ କ୍ରିସ ଗେଲ ଓ ଦ୍ବିତୀୟ ସ୍ଥାନରେ କୈରନ ପୋଲାର୍ଡ଼ ରହିଛନ୍ତି । ଏହି ସ୍ଥିତିରେ ଆଉ ୬ଟି ଛକ୍କା ମାରିପାରିଲେ ରୋହିତ ଆଇପିଏଲରେ ଛକ୍କାର ଦ୍ବିଶତକ ହାସଲ କରିବେ ।