ମୁମ୍ବଇ : ‘ସଞ୍ଜୁ’ ଚଳଚ୍ଚିତ୍ରର ସଫଳତା ରଣବୀର କାପୁରଙ୍କୁ ଚଳଚ୍ଚିତ୍ର ଦୁନିଆରେ ଏକ ଭିନ୍ନ ପରିଚୟ ଦେଇଛି। ଏହି ସଫଳତାରେ ଉତ୍ସାହିତ ହୋଇ ଶୁକ୍ରବାର ବିଳମ୍ବିତ ରାତିରେ ରଣବୀର ଅଭିନେତ୍ରୀ ଆଲିଆଙ୍କ ଘରକୁ ଯାଇଥିଲେ। ଏହି ଦୁଇ କଳାକାର ଏକ ଝରକା ପାଖରେ ବସି କଥା ହେଉଥିବା ଫଟୋରେ ଦେଖାଯାଇଥିଲା। ଏହି ଦୁଇ ଜଣକ ସହ ଆଲିଆଙ୍କ ବାପା ତଥା ନିର୍ଦେଶକ ମହେଶ ଭଟ୍ଟ ମଧ୍ୟ ତାଙ୍କ ସହ କଥା ହେଉଥିବା ଅନ୍ୟ ଏକ ଫଟୋରେ ଦେଖିବାକୁ ମିଳିଛି। ନିକଟରେ ଅଭିନେତା ରଣବୀର କାପୁର ଓ ଆଲିଆ ଦୁହେଁ ଦୁହିଁଙ୍କ ସହ ବିଭିନ୍ନ ସ୍ଥାନକୁ ଯାଉଥିବା ଦେଖିବାକୁ ମିଳୁଛି।
ଅଭିନେତା ରଣବୀର କାପୁର ନିକଟରେ ଏକ ସାକ୍ଷାତକାରରେ କହିଥିଲେ, ମୁଁ ଏବେ ବି ସମ୍ପର୍କରେ ଅଛି, ଆଉ ସବୁବେଳେ ରହିବି। ଆପଣ ଆଲିଆଙ୍କ ସହ ସମ୍ପର୍କରେ ଅଛନ୍ତି କି? ଏକ ପ୍ରଶ୍ନର ଉତ୍ତରରେ ରଣବୀର କହିଥିଲେ, ମୁ ଏହି ପ୍ରଶ୍ନର କୌଣସି ବି ଉତ୍ତର ଦେବାକୁ ଚାହୁଁନାହିଁ। ସୋନମ କାପୁରଙ୍କ ବିବାହ ସମୟରୁ ରଣବୀର ଓ ଆଲିଆଙ୍କ ନାମରେ ବିଭିନ୍ନ ଉଡା ଖବର ଶୁଣିବାକୁ ମିଳୁଛି।
ବର୍ତ୍ତମାନ ଅଭିନେତା ରଣବୀର କାପୁର ନିଜର ଆଗାମୀ ଚଳଚ୍ଚିତ୍ର ‘ବ୍ରହ୍ମୋସ୍ତ୍ର’କୁ ନେଇ ବେଶ ଉତ୍ସାହିତ ଅଛନ୍ତି। ଏହି ଚଳଚ୍ଚିତ୍ରରେ ରଣବୀର କାପୁର, ବଲିଉଡ ବିଗ-ବି ଅମିତାଭ ବଚ୍ଚନ ଓ ଆଲିଆ ଭଟ୍ଟ ନଜର ଆସିବେ।
