ଭୋପାଳ : ଚୋରି ପରେ ଚେନ୍ ଗିଳି ଦେବା ଜଣେ ଚୋର ପାଇଁ ମହଙ୍ଗା ପଡିଛି। ଚୋରର ପେଟ କାଟି ଚେନ୍ ବାହାର କରାଯାଇଛି। ସୂଚନା ଅନୁସାରେ ମଧ୍ୟପ୍ରଦେଶ ଜବଲପୁରର ଜଣେ ୭୦ ବର୍ଷିୟା ବୃଦ୍ଧା ଗତ ବୁଧବାର ନିଜ ଘର ବାରଣ୍ଡାରେ ଏକ ଖଟରେ ଶୋଇଥିବାବେଳେ ବାଇକ୍ରେ ଆସି ୨ ଜଣ ଯୁବକ ତାଙ୍କ ପାଖରେ ପହଞ୍ଚିଥିଲେ। ଏକ ଜାଗାର ଠିକଣା ପଚାରିବା ବାହାନାରେ ତାଙ୍କ ବେକ୍ରୁ ସୁନା ଚେନ୍ ଛିଣ୍ଡାଇ ବାଇକ୍ ଯୋଗେ ଫେରାର ହୋଇଯାଇଥିଲେ। ସୂଚନା ପାଇଁ ପୁଲିସ୍ ପିଛା କରି ଚେନ୍ ଛିନତାଇ ଅଭିଯୋଗରେ ସୁରଜ ଦୁମାର (୨୦) ଏବଂ ରାଜୁ ଥାପା(୨୫)ଙ୍କୁ ଗିରଫ କରିଥିଲା। ହେଲେ ଛାନବିନ୍ ବେଳେ ପୁଲିସ୍ ସେମାନଙ୍କ ନିକଟରୁ କିଛି ପାଇନଥିଲା। ପୁଲିସ୍ ପହଞ୍ଚିବା ପୂର୍ବରୁ ସୁରଜ ଚେନ୍କୁ ଗିଳି ଦେଇଥିଲା। ସନ୍ଦେହରେ ପୁଲିସ୍ ସେମାନଙ୍କୁ ନେଇ ଏକ୍ସରେ କରାଇଥିଲା। ସେଥିରୁ ସୁରଜ ପେଟରେ ଚେନ୍ ଥିବା ଜଣାପଡିଥିଲା। ପରେ ଅସ୍ତ୍ରୋପଚାର କରି ସୁରଜ ପେଟରୁ ଚେନ୍ ବାହାର କରାଯାଇଥିଲା। ପ୍ରକାଶ ଯେ ୨୦୧୬ରେ ଏଭଳି ଏକ ଅନୁରୂପ ଘଟଣାରେ ମୁମ୍ବଇ ପୁଲିସ୍ ଚୋରକୁ ପ୍ରବଳ କଦଳି ଖୁଆଇ ଚେନ୍ ବାହାର କରିଥିଲା।
Popular Categories
Previous article
Next article