ସହାୟତା ଦେଲେ ଅଭିନେତା ସୋନୁ ସୁଦ୍: କେରଳରୁ ସ୍ବତନ୍ତ୍ର ବିମାନରେ ଓଡ଼ିଶା ଫେରିଲେ ୧୬୯ ପ୍ରବାସୀ ଝିଅ

ଭୁବନେଶ୍ବର: ବଲିଉଡ଼୍ ଓ ଟଲିଉଡ଼ ଅଭିନେତା ସୋନୁ ସୁଦଙ୍କ ପ୍ରଶଂସାରେ ଏବେ ଦେଶର ଗଣମାଧ୍ୟମ ଶତମୁଖ । ଜାତୀୟ ବୈଦ୍ୟୁତିକ ଗଣମାଧ୍ୟମଠାରୁ ଆରମ୍ଭ କରି ରାଜ୍ୟର ବିଭିନ୍ନ ଗଣମାଧ୍ୟରେ ଏବେ କେବଳ ସୋନୁଙ୍କ ପ୍ରଶଂସା । ଅବଶ୍ୟ ତାଙ୍କ କାମଟି ମଧ୍ୟ ବେଶ୍ ପ୍ରଶଂସନୀୟ । କେରଳର ବିଭିନ୍ନ ପୋଷାକ ତିଆରି କାରଖାନାରେ ଲକ୍ଡ଼ାଉନ ଯୋଗୁଁ ଅଟକି ରହିଥିବା ୧୬୯ ଓଡ଼ିଆ ଝିଅଙ୍କୁ ଏକ ସ୍ବତନ୍ତ୍ର ବିମାନରେ ପଠାଇଥିବା ବ୍ୟବସ୍ଥା କରିଛନ୍ତି ସୋନୁ ।

କେବଳ ଏହି ଝିଅ ନୁହନ୍ତି ପ୍ରାୟ ୧୨ ହଜାର ପ୍ରବାସୀ ଶ୍ରମିକଙ୍କୁ ଏ ପର୍ଯ୍ୟନ୍ତ ନିଜ ଅଞ୍ଚଳକୁ ସୋନୁ ପଠାଇବାର ବ୍ୟବସ୍ଥା କରିଛନ୍ତି । ବର୍ତମାନ ସୁଦ୍ଧା ଆହୁରି ୩୦ ହଜାର ଶ୍ରମିକ ଫେରିବା ପାଇଁ ସୋନୁଙ୍କ ସହାୟତାକୁ ଅପେକ୍ଷା କରି ରହିଛନ୍ତି ।

ଆଉ ଓଡ଼ିଶାରେ ପହଞ୍ଚିବା ପରେ ଓଡ଼ିଆ ଝିଅମାନେ ଗଦଗଦ୍ ହୋଇଛନ୍ତି । ଓଡ଼ିଶା ମାଟିରେ ପାଦ ଦେବା ପରେ ସୋନୁଙ୍କୁ ନିଜ ହୃଦୟରୁ ଧନ୍ୟବାଦ ଜଣାଇଛନ୍ତି । କହିଛନ୍ତି ଧନ୍ୟବାଦ ସୋନୁ ସାର୍ । ସେହିପରି ଓଡ଼ିଶାର ରାଜ୍ୟସଭା ସାଂସଦ ଅମର ପଟ୍ଟନାୟକ ମଧ୍ୟ ସୋନୁଙ୍କୁ ତାଙ୍କର ମହତ୍ କାର୍ଯ୍ୟ ନିମନ୍ତେ ଧନ୍ୟବାଦ ଜଣାଇଛନ୍ତି ।

@SonuSood Ji,your helping the Odia girls to return safely from Kerala is commendable. Kudos to your noble efforts. It’s incredible to see how you are helping the needy reach their homes safely. More strength to you!@Naveen_Odisha@CMO_Odisha@bjd_odishahttps://t.co/6VqSExCEQ5

— Dr. Amar Patnaik (@Amar4Odisha) May 29, 2020