ଭୁବନେଶ୍ବର : ବିଏମଏସି ୪୨ ନମ୍ବର ୱାର୍ଡର ରେଡ୍ଡିସାହିରେ ସେଣ୍ଟର ଫର ଆଡଭୋକେସୀ ଆଣ୍ଡ ରିସର୍ଚ୍ଚ ( CFAR ) ଓ ପ୍ରୟାସ ସହାୟତା କେନ୍ଦ୍ର ସଦସ୍ୟ ପକ୍ଷରୁ ବିଧବା, ରିକ୍ସା ଚାଳକ ଓ ନିସହାୟଙ୍କୁ ରିଲିଫ ବଣ୍ଟନ କରାଯାଇଛି । ଏହାସହିତ ସିଏଫଏଆର ଓ ସିଓ୍ବାଇଏସଡି (CYSD) ପକ୍ଷରୁ ରେସନ୍ କାର୍ଡ ନ ଥିବା ହିତାଧିକାରୀଙ୍କୁ ଅତ୍ୟାବଶ୍ୟକୀୟ ଖାଦ୍ୟ ସାମଗ୍ରୀ ବିତରଣ କରାଯାଇଛି। ଏହି ଅବସରରେ ହିତାଧିକାରୀଙ୍କୁ ପ୍ୟାକେଟ ଯୋଗେ ଚାଉଳ, ଚିନି, ଲୁଣ, ସାନିଟାରୀ ନାପକିନ୍ ସମେତ ଅନ୍ୟାନ୍ୟ ଆବଶ୍ୟକୀୟ ସାମଗ୍ରୀ ବଣ୍ଟନ କରାଯାଇଥିଲା ।
ରିଲିଫ୍ ବଣ୍ଟନ କାର୍ଯ୍ୟକ୍ରମରେ ଜିଲା ଆଇନସେବା ସଚିବ ଶ୍ରୀ ମାନସ ରଂଜନ ରାୟ ଉପସ୍ଥିତ ରହି ସମସ୍ତ ପରିବାର ସଦସ୍ୟଙ୍କୁ ରିଲିଫ୍ ବଣ୍ଟନ କରିଥିଲେ। ରିଲିଫ୍ ବଣ୍ଟନ କାର୍ଯ୍ୟକ୍ରମ ଶେଷ ହେବାପରେ ଡିଏଲଏସଏ (DLSA) ସଚିବ ପରିଦର୍ଶନ କରି ବୁଝିଥିଲେ। ଡିଏଲଏସଏ ଓ ସିଏଫଏଆର ଅଧୀନରେ ଥିବା ପ୍ରୟାସ ସହାୟତା କେନ୍ଦ୍ର ସଦସ୍ୟ ସଦସ୍ୟମାନଙ୍କୁ ମହାମରୀ କରୋନା ସଂକ୍ରମଣରେ ସମୟରେ ସେମାନେ ସଂଗ୍ରାମୀ ଭାବରେ କାର୍ଯ୍ୟ କରିଥିବାରୁ ଧନ୍ୟବାଦ ଜଣାଇଥିଲେ।
