– ୩ ମେ ପର୍ଯ୍ୟନ୍ତ ଲକଡ଼ାଉନ୍ ବୃଦ୍ଧି ହେତୁ ଆଇପିଏଲ୍ ଅନିର୍ଦ୍ଦିଷ୍ଟ କାଳ ପାଇଁ ସ୍ଥଗିତ ରଖାଗଲା।
– ବର୍ତ୍ତମାନ ଇଣ୍ଡିଆନ୍ ପ୍ରିମିୟର ଲିଗ୍ ୨୦୨୦ର ଭବିଷ୍ୟତ ଉପରେ ପ୍ରଶ୍ନ ଚିହ୍ନ।
ନୂଆଦିଲ୍ଲୀ : କରୋନା ଭୂତାଣୁ ମହାମାରୀ ହେତୁ ଆଇପିଏଲ ୨୦୨୦କୁ ଅନିର୍ଦ୍ଦିଷ୍ଟ କାଳ ପାଇଁ ସ୍ଥଗିତ ରଖାଗଲା। ବିଶ୍ୱର ସବୁଠୁ ଦାମୀ କ୍ରିକେଟ୍ ଲିଗକୁ ସ୍ଥଗିତ ରଖିବାକୁ ବିସିସିଆଇ ପକ୍ଷରୁ ବୁଧବାର ଘୋଷଣା କରାଯାଇଛି। ୨୯ ମାର୍ଚ୍ଚରୁ ୨୪ ମେ ପର୍ୟ୍ୟନ୍ତ ହେବାକୁ ଥିବା ଏହି ଟୁର୍ଣ୍ଣାମେଣ୍ଟ ପାଇଁ ବୋର୍ଡର କୌଣସି ନୂତନ ଯୋଜନା ନଥିବା ଜଣାପଡ଼ିଛି ।
ମଙ୍ଗଳବାର ସନ୍ଧ୍ୟାରେ ଏକ ବୈଠକରେ ଚଳିତ ବର୍ଷ ଆଇପିଏଲକୁ ନେଇ ଆଲୋଚନା ହୋଇଥିଲା। ଯେଉଁଥିରେ ବିସିସିଆଇର ବରିଷ୍ଠ ଅଧିକାରୀ ସୌରଭ ଗାଙ୍ଗୁଲି (ଅଧ୍ୟକ୍ଷ), ଜୟ ଶାହା (ସଚିବ), ବ୍ରିଜେଶ ପଟେଲ (ଆଇପିଏଲ ଅଧ୍ୟକ୍ଷ), ଅରୁଣ ଧୁମଲ (କୋଷାଧ୍ୟକ୍ଷ) ଏବଂ ହେମାଙ୍ଗ ଆମିନ (ଆଇପିଏଲ ମୁଖ୍ୟ କାର୍ୟ୍ୟନିର୍ବାହୀ ଅଧିକାରୀ) ଉପସ୍ଥିତ ଥିଲେ। ଏହାପୂର୍ବରୁ, କୋଭିଡ -୧୯ ମହାମାରୀ ହେତୁ ଚାଲିଥିବା ଲକଡାଉନ୍ ଯୋଗୁଁ ଆଇପିଏଲକୁ ୧୫ ଏପ୍ରିଲ ଏବଂ ପରେ ୩ ମେ ପର୍ଯ୍ୟନ୍ତ ସ୍ଥଗିତ ରଖାଯାଇଥିଲା।
Indian Premier League 2020 season has now been postponed indefinitely: BCCI Official pic.twitter.com/5kWlfHCh54
— ANI (@ANI) April 15, 2020
