ଭୁବନେଶ୍ୱର: ଖଣ୍ଡଗିରି ନିକଟସ୍ଥ ତପୋବନରେ ମୌନବ୍ରତ କରିଥିବା ଜଣେ ନାଗା ବାବାଙ୍କୁ କିଛି କିନ୍ନର ମରଣାନ୍ତକ ଆକ୍ରମଣ କରିଛନ୍ତି । ଖଣ୍ଡଗିରି ବସଷ୍ଟାଣ୍ଡ ନିକଟରେ ଥିବା ତପୋବନରେ ମୌନବ୍ରତ ରଖିଥିବା ନାଗା ବାବାଙ୍କୁ କିନ୍ନର ମାନେ ଘୋଷାଡି ଘୋଷାଡି ପିଟିଥିଲେ। ରାସ୍ତାରେ ଅନେକ ଲୋକ ଯିବା ଆସିବା କରୁଥିଲେ ମଧ୍ୟ ଏପରି ଅନ୍ୟାୟ କାର୍ଯ୍ୟକୁ କେହି ବିରୋଧ କରି ନ ଥିଲେ ।
ଲାଠି ଓ ଝାଡୁ ଧରି କିନ୍ନରମାନେ ନାଗା ବାବାଙ୍କୁ ଆକ୍ରମଣ କରିଥିଲେ । ଖଣ୍ଡଗିରି ନିକଟରେ ନିର୍ଦ୍ଦିଷ୍ଟ କିନ୍ନରମାନେ ଅନୈତିକ କାର୍ଯ୍ୟ କରିବା ସହ ଉତ୍ପାତ କରୁଥିବା ଅଭିଯୋଗ ହୋଇଛି । ପୁଲିସ ବନ୍ଦୋବସ୍ତ କରାଯାଇ ଥିଲେ ମଧ୍ୟ ଦିନ ଦୁଇ ପ୍ରହରରେ କିନ୍ନରମାନେ ଏପରି କାର୍ଯ୍ୟ କରିଛନ୍ତି ।