ନୂଆଦିଲ୍ଲୀ: ଭାରତରେ କରୋନା ଭୂତାଣୁ ଆକ୍ରାନ୍ତ ସଂଖ୍ୟା ଦିନକୁ ଦିନ ବଢ଼ିବାରେ ଲାଗିଛି। କିନ୍ତୁ ଅନ୍ୟ ଦେଶଗୁଡ଼ିକ ତୁଳନାରେ କରୋନା ପରୀକ୍ଷା ସଂଖ୍ୟା ଭାରତରେ ବହୁତ୍ କମ୍ ରହିଛି। କିନ୍ତୁ ଏହି ପରିସ୍ଥିତି ବେଶୀ ଦିନ ରହିବ ନାହିଁ। କାରଣ କରୋନା ପରୀକ୍ଷା କରିବା ଲାଗି ଭାରତୀୟ ଚିକିତ୍ସା ଅନୁସନ୍ଧାନ ପରିଷଦ(ଆଇସିଏମଆର)କୁ ପ୍ରାୟ ୭ ଲକ୍ଷ କିଟ୍ ଯୋଗାଇ ଦିଆଯିବ। ଆସନ୍ତା ୮ ତାରିଖ ସୁଦ୍ଧା ପରୀକ୍ଷା କିଟ୍ ମିଳିଯିବ ବୋଲି ସୂଚନା ମିଳିଛି। ଫଳରେ ଦେଶରେ କରୋନାର ହଟ୍ସ୍ପଟ୍ ଚିହ୍ନଟ ହୋଇଥିବା ସ୍ଥାନଗୁଡ଼ିକରେ ବହୁ ସଂଖ୍ୟାରେ ପରୀକ୍ଷା କରାଯାଇ ପାରିବ। ପର୍ଯ୍ୟାୟକ୍ରମେ ଆଇସିଏମଆରକୁ ପରୀକ୍ଷା କିଟ୍ ମିଳିବ। ପ୍ରଥମ ପର୍ଯ୍ୟାୟରେ ୫ ଲକ୍ଷ ପରୀକ୍ଷା କିଟ୍ ଆସିବ। ଏଥିପାଇଁ ଅର୍ଡର ଦିଆଯାଇଛି। ଏହା ପରେ ଅବଶିଷ୍ଟ କିଟ୍ ଆସିବ ବୋଲି ସୂଚନା ମିଳିଛି।
Comments are closed.