ନୂଆଦିଲ୍ଲୀ : କେନ୍ଦ୍ର ପ୍ରତିରକ୍ଷା ମନ୍ତ୍ରୀ ନିର୍ମଳା ସୀତାରମଣ ରାଫେଲ ଯୁଦ୍ଧ ବିମାନ ରାଜିନାମାକୁ ନେଇ କଂଗ୍ରେସ ଉଠାଉଥିବା ପ୍ରଶ୍ନ ଉପରେ କଡ଼ା ପ୍ରତିକ୍ରିୟା ରଖିଛନ୍ତି । ନିର୍ମଳା କହିଛନ୍ତି ଯେ ରାଫେଲ ଯୁଦ୍ଧ ବିମାନ ରାଜିନାମାରେ କୌଣସି ଦୁର୍ନୀତି ହୋଇନାହିଁ । ତେଣୁ ରାଫେଲ ରାଜିନାମା ସହ ବୋଫର୍ସ ଦୁର୍ନୀତିର ତୁଳନା କରନାହିଁ । ଏହାପୂର୍ବରୁ ପ୍ରତିରକ୍ଷା ମନ୍ତ୍ରୀ ନିର୍ମଳା କହିଥିଲେ ଯେ ବିଜେପିର ଦୁର୍ନୀତିମୁକ୍ତ ଛବିକୁ ନେଇ କଂଗ୍ରେସ ବ୍ୟତିବ୍ୟସ୍ତ ହୋଇପଡିଛି । କଂଗ୍ରେସ ପ୍ରତିଦିନ ନୂଆ ନୂଆ ମନଗଢା ଦୁର୍ନୀତି ଅଭିଯୋଗ ଆଣୁଛି । ଉପା ସରକାର ସମୟରେ ପ୍ରତିରକ୍ଷା ରାଜିନାମା ନେଇ ବିଜେପି ଏପରି କୌଣସି ଅଭିଯୋଗ ଆଣିନଥିଲା । ଅପରପକ୍ଷରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ରାଫେଲ ରାଜିନାମକୁ ନେଇ ପ୍ରଶ୍ନ ଉଠାଇବାରେ ଲାଗିଛନ୍ତି । ସରକାର ଏହା ଉପରେ ଜବାବ ଦେବାକୁ ସେ ଦାବି କରି ଆସୁଛନ୍ତି । କେତେ ଟଙ୍କାରେ ବିମାନ ସବୁ କିଣାଯାଉଛି ତାହା ଉଲ୍ଲେଖ କରିବାକୁ ରାହୁଲ ଦାବି କରୁଛନ୍ତି । ସେପଟେ ପ୍ରତିରକ୍ଷା କିଣାବିକା ଜାତୀୟ ସୁରକ୍ଷା ସହିତ ଜଡିତ ଓ ଗୁ୍ପ୍ତ ପ୍ରସଙ୍ଗ ହୋଇଥିବାରୁ ଏହା ସାର୍ବଜନୀନୀ କରିହେବ ନାହିଁ ବୋଲି ବିଜେପି ପକ୍ଷରୁ କୁହାଯାଇଛି ।
Popular Categories
Previous article
Next article