ବ୍ରହ୍ମପୁର: ବ୍ରହ୍ମପୁରରେ ବ୍ୟବସାୟୀଙ୍କ ଏଜେଣ୍ଟ ଠାରୁ ଲୁଟ୍ ହୋଇଥିବା ଘଟଣାରେ ଗୁରୁବାର ୫ ଜଣଙ୍କୁ ଗିରଫ କରିଛି ବ୍ରହ୍ମପୁର ପୁଲିସ। ଗିରଫ ଅଭିଯୁକ୍ତଙ୍କ ନିକଟରୁ ୩୬, ୭୭,୦୦୦ ଟଙ୍କା, ୪୭,୦୦୦ ଟଙ୍କା ମୂଲ୍ୟର ସୁନା ଅଳଙ୍କାର, ୬ଟି ମୋବାଇଲ୍ ଫୋନ୍ ଜବତ ହୋଇଥିବା ସୂଚନା ମିଳିଛି। ଆଉ ୨ ଅଭିଯୁକ୍ତ ଏଯାବତ୍ ଫେରାର୍ ଅଛନ୍ତି।
ସୂଚନାଯୋଗ୍ୟ, ଗତ ୨୫ ତାରିଖରେ କୋଲକାତା ବ୍ୟବସାୟୀ ଅଶୋକ ବୁନ୍ଦ୍ରାଙ୍କର ଜଣେ ଏଜେଣ୍ଟଙ୍କଠାରୁ ସୁନା ଓ ଟଙ୍କା ଲୁଟ୍ ହୋଇଥିଲା। ଏହାପରେ ଅଶୋକଙ୍କ ଅଭିଯୋଗକ୍ରମେ ପୁଲିସ ତଦନ୍ତ ଆରମ୍ଭ କରିଥିଲା। ଘଟଣା ପରଠାରୁ ଫେରାର୍ ଥିବା ଏହି ଅଭିଯୁକ୍ତମାନଙ୍କୁ ଧରିବାରେ ଆଜି ପୁଲିସ ସଫଳ ହୋଇଛି।
