ଆବଶ୍ୟକ ସାମଗ୍ରୀ:
ପନୀର- ୨୫୦ଗ୍ରାମ୍
ଅଦା- ଛୋଟ ଖଣ୍ଡେ
ରସୁଣ- ୪-୫ଟି
ଲଙ୍କା- ୧ଟି
ପିଆଜ- ୨ଟି
ଟମାଟୋ- ୧ଟି
ଶିମଲା ଲଙ୍କା- ୧ଟି
ଗରମ ମସଲା- ୨ଚାମଚ
ହଳଦୀ ଗୁଣ୍ଡ – ୧ଚାମଚ
ଲଙ୍କା ଗୁଣ୍ଡ- ୧ଚାମଚ
ଧନିଆ ଗୁଣ୍ଡ – ୧ଚାମଚ
କ୍ଷୀର- ୨ଚାମଚ
ଲେମ୍ବୁ ରସ- ୧ଚାମଚ
ତେଲ
ଧନିଆ ପତ୍ର
ଲୁଣ- ସ୍ୱାଦ ଅନୁସାରେ
ପ୍ରସ୍ତୁତି ପ୍ରଣାଳୀ:
ପ୍ରଥମେ ପନୀରକୁ ପୁରା ଛୋଟ ଛୋଟ କରି କାଟି ଦିଅନ୍ତୁ।
ଗୋଟେ ବଡ଼ କଡେଇ ନେଇ ସେଥିରେ ତେଲ ପକାଇ ଗରମ କରନ୍ତୁ। ତେଲ ଗରମ ହୋଇଗଲା ପରେ ସେଥିରେ ଜିରା ପକାନ୍ତୁ। ତାପରେ ସେଥିରେ ଛେଚା ହୋଇଥିବା ଅଦା, ଓ ରସୁଣ ପେଷ୍ଟକୁ ପକାଇ ଦିଅନ୍ତୁ। ସେଥିରେ କଟା ହୋଇଥିବା ପିଆଜକୁ ହାଲକା ସୁନେଲି ରଙ୍ଗ ହେବା ପର୍ଯ୍ୟନ୍ତ ଭାଜନ୍ତୁ। କଟା ହୋଇଥିବା ଶିମଲା ଲଙ୍କା,ଟମାଟୋ ପକାଇ କିଛି ସମୟ ଭାଜନ୍ତୁ। ତାପରେ ସେଥିରେ ହଳଦି ଗୁଣ୍ଡ,ଗରମ ମସଲା,ଲଙ୍କା ଗୁଣ୍ଡ,ଧନିଆ ଗୁଣ୍ଡ ପକାଇ କିଛି ସମୟ ଭାଜିବା ପରେ କ୍ଷୀର ପକାନ୍ତୁ। ଭଲ ଭାବରେ ୧ମିନିଟ ପର୍ଯ୍ୟନ୍ତ ଭାଜନ୍ତୁ। କଟା ହୋଇଥିବା ପନୀର ଓ ଲେମ୍ବୁ ରସ ଓ ଲୁଣ ପକାଇ ଭଲ ଭାବରେ ମିଶାଇ ଦିଅନ୍ତୁ। କିଛି ସମୟ ପରେ ଗ୍ୟାସରୁ ଓହ୍ଲାଇ ଧନିଆ ପତ୍ର ପକାନ୍ତୁ। ପ୍ରସ୍ତୁତ ହୋଇଗଲା ଆପଣଙ୍କ ପନୀର ଭୁଜିଆ।
