ଧାମରା: ଧାମରା ପ୍ରସିଦ୍ଧ ମକର ମେଳା ପାଇଁ ପ୍ରଥମ ପ୍ରସ୍ତୁତିୁ ବୈଠକ ଅନୁଷ୍ଠିତ ହୋଇ ଯାଇଛି। ମା ଧାମରାଇ ମନ୍ଦିର ପ୍ରାଙ୍ଗଣରେ ମନ୍ଦିର ପରିଚାଳନା କମିଟିର ସଭାପତି ସୁରେଶ କୁମାର ମାହୁନ୍ତଙ୍କ ଅଧ୍ୟକ୍ଷତାରେ ଏହି ବୈଠକରେ ମକର ମେଳା ସମୟରେ କିପରି ମେଳାକୁ ସୁରକ୍ଷା ଏବଂ ଶୃଙ୍ଖଳିତ କରିହେବ ସେ ନେଇ ଆଲୋଚନା ହୋଇଥିଲା। ମଙ୍ଗଳବାର ଏହି ବୈଠକରେ ଚାନ୍ଦବାଲି ଏସଡିପିଓ,ଧାମରା ମେରାଇନ ଥାନାଧିକାରୀଙ୍କ ଉପସ୍ଥିତିରେ ଏହି ସମସ୍ତ ବିଷୟରେ ଆଲୋଚନା କରିଥିଲେ। ମେଳା ସମୟରେ ଧାମରା ନଦୀକୂଳ ଓ ମେଳାକୁ ଆଲୋକୀକରଣ କରାଯିବା ସହ ମକରମେଳାରେ ଅସ୍ଥାୟୀ ଦୋକାନୀ ମାନଙ୍କ ପାଇଁ ପାସ୍ ବ୍ୟବସ୍ଥା,ମଦ ବିକ୍ରୟ ଉପରେ ସଚେତନତା ସୃଷ୍ଟି କରାଯିବା,ମେଳା ପଡିଆରେ ସିସିଟିଭି ଲଗାଇ ଅସଦାଚରଣ କରୁଥିବା ବ୍ୟକ୍ତିଙ୍କ ଉପରେ ନଜର ରଖାଯିବା,ପ୍ରାଥମିକ ଚିକିତ୍ସା ଉପରେ ଗୁରୁତ୍ୱ ,ଅଗ୍ନିଶମ ବାହିନୀର ୨୪ଘଂଟିଆ ଡ୍ୟୁଟି ଏବଂ ମେଳା ପଡିଆର ପରିମଳ ବ୍ୟବସ୍ଥାକୁ ସଠିକ ଭାବରେ କାର୍ୟ୍ୟକାରୀ କରିବାକୁ ନେଇ ଆଲୋଚନା ଏବଂ ପର୍ୟ୍ୟାଲୋଚନା ହୋଇଥିଲା।
Comments are closed.