ମୁମ୍ବଇ : ବୃହନ ମୁମ୍ବଇ ମହାନଗର ନିଗମ (ବିଏମସି) ନିଜର କର୍ମଚାରୀଙ୍କ ପାଇଁ କ୍ୟାଣ୍ଟିନରେ ୧୦ ଟଙ୍କାରେ ମଧ୍ୟାହ୍ନ ଭୋଜନ ଯୋଜନା ଆରମ୍ଭ କରିଥିବା ଜଣାପଡ଼ିଛି। ବିଏମସି ମେୟର କିଶୋରୀ ପେଦ୍ନେକର ଏହାର ଶୁମ୍ଭାରମ୍ଭ କରିଛନ୍ତି। ଏହି ଖାଦ୍ୟ ଥାଳିରେ ୨ଟି ରୁଟି, ଭାତ, ଡ଼ାଲି ଓ ୨ଟି ତରକାରୀ ମିଳିବ। ଗୋଟିଏ ଥାଳି ପାଇଁ ୫୦ ଟଙ୍କା ଖର୍ଚ୍ଚ ହେଉଥିବା ବେଳେ ଏଥିରୁ ୪୦ ଟଙ୍କା ମହାରାଷ୍ଟ୍ର ସରକାର ବହନ କରିବେ। ଉକ୍ତ ଭୋଜନ ବ୍ୟବସ୍ଥା କେବଳ ବିଏମସି କର୍ମଚାରୀ ଓ ସେଠାକୁ ଆସୁଥିବା ଅତିଥିଙ୍କ ପାଇଁ ଉଦ୍ଦିଷ୍ଟ। ଏହାସହ ମହାରାଷ୍ଟ୍ରର ଅନ୍ୟ ସରକାରୀ କାର୍ଯ୍ୟାଳୟଗୁଡ଼ିକରେ ମଧ୍ୟ ଏଭଳି ଯୋଜନା ଆରମ୍ଭ କରିବାକୁ ରାଜ୍ୟ ସରକାର ଚିନ୍ତା କରୁଛନ୍ତି ଓ ଖୁବ ଶୀଘ୍ର ଏହି ଯୋଜନା ମହାରାଷ୍ଟ୍ରର ଅନ୍ୟ କେତେକ ସହରରେ ମଧ୍ୟ କାର୍ଯ୍ୟକାରୀ ହେବ ବୋଲି ଜଣାପଡ଼ିଛି। ସୂଚନା ଯୋଗ୍ୟ, ଶିବସେନା ମହାରାଷ୍ଟ୍ର ବିଧାନସଭା ନିର୍ବାଚନ ପୂର୍ବରୁ ସ୍ୱଳ୍ପ ଟଙ୍କାରେ କର୍ମଚାରୀଙ୍କୁ ଖାଦ୍ୟ ଯୋଗାଇବା ପାଇଁ ଘୋଷଣା କରିଥିଲା। ଏହି ଯୋଜନା ମହାରାଷ୍ଟ୍ରର ମହାବିକାଶ ଅଘାଡ଼ି ସରକାରର ସାଧାରଣ ସର୍ବନିମ୍ନ କାର୍ଯ୍ୟକ୍ରମର ଏକ ଅଂଶ ଥିଲା।
Comments are closed.