ନୂଆଦିଲ୍ଲୀ: ଏକ ଗୁରୁତ୍ବପୂର୍ଣ୍ଣ ଘଟଣାକ୍ରମେ କେନ୍ଦ୍ର ସରକାର ଫାସ୍ ଟ୍ୟାଗ୍ ସମୟ ସୀମାକୁ ଡିସେମ୍ବର ୧୫ ଯାଏ ବୃଦ୍ଧି କରିଛନ୍ତି। ଆସନ୍ତା ମାସ ପହିଲାରୁ ଦେଶର ଜାତୀୟ ରାଜପଥଗୁଡିକର ଟୋଲ ପ୍ଲାଜାଗୁଡ଼ିକରେ ରେଡିଓ-ଫ୍ରିେକ୍ବନ୍ସି-ଆଇଡେଣ୍ଟିଫିକେଶନ୍ (ଆର୍ଏଫ୍ଆଇଡି) ଆଧାରିତ ଫାସ୍ ଟ୍ୟାଗ ଜରିଆରେ ଟୋଲ ଆଦାୟ ବ୍ୟବସ୍ଥା କାର୍ୟ୍ୟକାରୀ ଯୋଜନା ରହିଥିଲା। ଗାଡିଚାଳକ ଏବଂ ମାଲିକଙ୍କ ହିତକୁ ଦୃଷ୍ଟିରେ ରଖି ସରକାର ଫାସ୍ ଟ୍ୟାଗ କାର୍ୟ୍ୟକାରିତା ଅବଧି ଆଉ ୧୫ ଦିନ ବଢାଇ ଦେଇଛନ୍ତି। ଫାସ୍ ଟ୍ୟାଗ ହେଉଛି ଏକ ଷ୍ଟିକର ଯାହାକୁ ଗାଡିର ୱିଣ୍ଡ ସ୍କ୍ରିନ୍ରେ ଲଗାଯିବ। ବାଧାମୁକ୍ତ ପରିବହନ ସୁନିଶ୍ଚିତ କରିବା ପାଇଁ କେନ୍ଦ୍ର ସରକାରଙ୍କ ପକ୍ଷରୁ ଉପରୋକ୍ତ ପଦକ୍ଷେପ ଗ୍ରହଣ କରାଯାଉଛି।
ଘରୋଇ ହେଉ କି ବ୍ୟବସାୟିକ ଗାଡ଼ି ହେଉ ସମସ୍ତଙ୍କ ଲାଗି ଫାସ୍ ଟ୍ୟାଗ ବାଧ୍ୟତାମୂଳକ। ଯେଉଁ ଗାଡ଼ିରେ ଫାସ୍ ଟ୍ୟାଗ୍ ନ ଥିବ ଉକ୍ତ ଗାଡ଼ିଠୁ ଟୋଲ ପ୍ଲାଜାରେ ଦୁଇ ଗୁଣା ଟୋଲ୍ ଟିକସ ଆଦାୟ କରାଯିବ ବୋଲି ଦୂର୍ବରୁ ସରକାର ସ୍ପଷ୍ଟ କରିଥିଲେ।
Comments are closed.