ଅମରାବତୀ: ଆନ୍ଧ୍ରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା ତେଲୁଗୁ ଦେଶମ ପାର୍ଟି(ଟିଡିପି) ମୁଖ୍ୟ ଏନ. ଚନ୍ଦ୍ରବାବୁ ନାଇଡୁଙ୍କୁ ଅମରାବତୀରେ ଗୁରୁବାର ଚାଷୀମାନେ ଚପଲ ଫିଙ୍ଗିଛନ୍ତି। ନାଇଡୁ କିଛି ନିର୍ମାଣ କାର୍ଯ୍ୟ ପରିଦର୍ଶନ କରିବାକୁ ଏକ ବସରେ ଯାଉଥିବାବେଳେ ଭେଙ୍କଟାପଲେମ ନିକଟରେ ଏହି ଘଟଣା ଘଟିଛି।
ସୂଚନା ଅନୁସାରେ, ୱାଇଏସଆର କଂଗ୍ରେସ ସମର୍ଥନରେ ଚାଷୀମାନେ ନାଇଡୁଙ୍କ ବିରୋଧରେ ବିକ୍ଷୋଭ ପ୍ରଦର୍ଶନ କରୁଛନ୍ତି। ନାଇଡୁଙ୍କ ଅମରାବତୀ ଗସ୍ତକୁ ବିରୋଧ କରାଯିବ ବୋଲି ପୂର୍ବରୁ ୱାଇଏସଆର କଂଗ୍ରେସ ପକ୍ଷରୁ ଚେତାବନୀ ଦିଆଯାଇଥିଲା। କୃଷକମାନଙ୍କ ସହିତ ମିଶି ୱାଇଏସଆର କଂଗ୍ରେସ ବିରୋଧ ପ୍ରଦର୍ଶନ କରିବ ବୋଲି ଘୋଷଣା କରିଥିଲା। ଘଟଣା ପରେ ନାଇଡୁ ଗଣମାଧ୍ୟମକୁ କହିଛନ୍ତି, ମୁଁ ଏକ ବିକଶିତ ହାଇଦ୍ରାବାଦ ପାଇଁ ଭିଜନ-୨୦୨୦ ପ୍ରସ୍ତୁତ କରିଥିଲି ଏବଂ ଆଜି ଏହାକୁ ସବୁଠାରୁ ବାସପୋଯୋଗୀ ସହର ମଧ୍ୟରେ ଅନ୍ୟତମ ସହରର ମାନ୍ୟତା ମିଳିଛି। ଏହି ଅନୁଭବ ସହିତ ମୁଁ ଅମରାବତୀକୁ ନେଇ ବି ଏଭଳି ଯୋଜନା କରିଥିଲି। କିନ୍ତୁ ଏହି ବ୍ୟକ୍ତି(ଜଗନ ମୋହନ ରେଡ୍ଡୀ) ଏହାର ଅବଧାରଣାକୁ ନଷ୍ଟ କରିଦେଇଛି।
#WATCH Andhra Pradesh: During the protest by farmers supporting YSRCP today, a slipper was hurled at the bus carrying former chief minister and TDP chief N Chandrababu Naidu, as it was passing near Venkatapalem, on its way to the site of the construction works in Amaravati. pic.twitter.com/0Wyi3PjQTr
— ANI (@ANI) November 28, 2019
