ବେଙ୍ଗେଲୁରୁ; କର୍ଣ୍ଣାଟକ ନିର୍ବାଚନ ନାଟକ ଘଣ୍ଟାକୁ ଘୋଡା ଛୁଟୁଛି। ପୂର୍ବରୁ ରାଜ୍ୟପାଳ ବି.ଜେ.ପି ୧୫ଦିନ ମଧ୍ୟରେ ନିଜର ବହୁମତ ସାବସ୍ତ୍ୟ କରିବାକୁ ସମୟ ଦେଇଥିଲେ। ସୁପ୍ରିମକୋର୍ଟ ଆସନ୍ତା କାଲି ବହୁମତ ସାବ୍ୟସ୍ତ୍ୟ କରିବାକୁ ବିଜେପି କୁ ନିର୍ଦ୍ଦେଶ ଦେଇଛନ୍ତି। ଏଥିମଧ୍ୟରେ କର୍ଣ୍ଣାଟକ ରାଜ୍ୟପାଳ ବି.ଜେ.ପି ବିଧାୟକ କେ.ଜି ବୋପୟାଙ୍କୁ ଅସ୍ଥାୟୀ ବାଚସ୍ପତି ରୂପେ ନିଯୁକ୍ତ କରିଛନ୍ତି। ଏହାକୁ କଂଗ୍ରେସ ଓ ଜେ.ଡି.ଏସ ବିରୋଧ କରିଛନ୍ତି। ଏହା ଅସମ୍ବିଧାନିକ କହିବାସହ ସୁପ୍ରିମକୋର୍ଟରେ ଅଭିଯୋଗ ଦାଖଲ କରିଛନ୍ତି। ରାତିମଧ୍ୟରେ ହିଁ ସୁପ୍ରିମକୋର୍ଟ ଏହାର ଶୁଣାଣିପାଇଁ ଦାବି କରିଛନ୍ତି।
ରାଜ୍ୟପାଳ ନିଷ୍ପତିକୁ କଂଗ୍ରେସ ନେତା ଅଭିଷେକ ମନୁ ସିଂ ବିରୋଧ କରିଛନ୍ତି, ସେ କହିଛନ୍ତି ଏହା ନିୟମ ବିରୋଧୀ। ଏହା ବିଧାନସଭାର ବୟସ୍କ ବିଧାୟକ ନିଯୁକ୍ତି କରିବାର ନିୟମ ରହିଛି ବୋଲି କଂଗ୍ରେସ ଯୁକ୍ତି ବାଢିଛି। କଂଗ୍ରେସ ବିଧାୟକ ଅରବି ଦେଶପାଣ୍ଡେ ଏବଂ ବିଜେପି ବିଧାୟକ ଉମେଶ କଟ୍ଟି ଙ୍କ ନାମ ବାଚସ୍ପତି ଦୈାଡରେ ଆଗରେ ଥିବା ଜଣାପଡିଛି। କଂଗ୍ରେସର ଅଭିଯୋଗକୁ ଖଣ୍ଡନ କରି କେନ୍ଦ୍ରମନ୍ତ୍ରୀ ପ୍ରକାଶ ଜାବେଡେକର କହିଛନ୍ତି, କେ.ଜି.ବୋପୟା ୨୦୦୮ ମସିହାରେ ଅସ୍ଥାୟୀ ବାଚସ୍ପତି ରହିଥିଲେ। ତେଣୁ କଂଗ୍ରେସର ମତିଭ୍ରମ ହୋଇଥିବାର ଜାବେଡକର କହିଛନ୍ତି।
