ମୁମ୍ବଇ : ଅକ୍ଷୟ କୁମାରଙ୍କ ଅଭିନୀତ ଆଗାମୀ ଚଳଚ୍ଚିତ୍ର ‘ହାଉସଫୁଲ୍-୪’ର ପ୍ରଥମ ପୋଷ୍ଟର ବୁଧବାର ରିଲିଜ୍ ହୋଇଛି। ଅକ୍ଷୟ ନିଜ ଟ୍ୱିଟର ଆକାଉଣ୍ଟରେ ଏହି ପୋଷ୍ଟର ଶେୟାର କରିଛନ୍ତି। ପୋଷ୍ଟର ସହ ଚଳଚ୍ଚିତ୍ରର ଟ୍ରେଲର ରିଲିଜ୍ ତାରିଖ ମଧ୍ୟ ଘୋଷଣା କରାଯାଇଛି। ଏହାର ଟ୍ରେଲର ଚଳିତ ମାସ ୨୭ ତାରିଖରେ ରିଲିଜ୍ ହେବ ବୋଲି ଅକ୍ଷୟ ସୂଚନା ଦେଇଛନ୍ତି।
ପୋଷ୍ଟରରୁ ଜଣାପଡ଼ୁଛି ଚଳଚ୍ଚିତ୍ରରେ ଅକ୍ଷୟ ଦ୍ୱୈତ ଭୂମିକାରେ ଅଭିନୟ କରିଛନ୍ତି। ସାମାଜିକ ଗଣମାଧ୍ୟମରେ ଲୋକେ ପୋଷ୍ଟରକୁ ଖୁବ୍ ପସନ୍ଦ କରୁଥିବା ଦେଖିବାକୁ ମିଳିଛି। ସୂଚନା ଅନୁସାରେ, ଏଥର ଚଳଚ୍ଚିତ୍ରର ବିଷୟବସ୍ତୁ ପୁନର୍ଜନ୍ମ ଉପରେ ଆଧାରିତ। ଏଥିରେ ଅକ୍ଷୟଙ୍କ ବ୍ୟତୀତ କୃତି ସେନନ, କୀର୍ତ୍ତି ଖରବନ୍ଦା, ବବି ଦେଓଲ, ରାଣା ଦଗୁବାତୀ, ପୂଜା ହେଗଡ଼େ ଓ ଚଙ୍କି ପାଣ୍ଡେଙ୍କ ଭଳି କଳାକାର ନଜର ଆସିବେ। ଫରହାଦ ସାମଜୀଙ୍କ ନିର୍ଦ୍ଦେଶିତ ‘ହାଉସଫୁଲ୍-୪’ ଦୀପାବଳି ଅବସରରେ ମୁକ୍ତିଲାଭ କରିବ।
.
Comments are closed.