ପାଟଣା : କେନ୍ଦୁଝର ଜିଲ୍ଲା ପାଟଣା ବ୍ଲକ ଅନ୍ତର୍ଗତ ତୁରୁମୁଙ୍ଗା ଥାନା ନିକଟ ୪୯ନମ୍ବର ଜାତୀୟ ରାଜପଥର ହାତୀବାରି ଛକ ମା’ କାଳି ଢାବା ନିକଟରେ ଏକ ଚଳନ୍ତା ୧୪ଚକିଆ ଟ୍ରକରେ ଶନିବାର ଅପରାହ୍ନରେ ସଟ ସର୍କିଟ କାରଣରୁ ନିଆଁ ଲାଗି ଯାଇଥିଲା । ଟ୍ରକରେ ନିଆଁ ଲାଗି ଥିବା ଜାଣି ଚାଳକ ଗାଡିଟିକୁ ଢାବା ପାଣିଟାଙ୍କି ନିକଟକୁ ନେଇଯାଇ ନିଆଁ ଲିଭାଇକୁ ଚେଷ୍ଟା କରିବା ସହ ପାଟଣା ଦମକଳ ବାହିନୀବାହିନୀକୁ ଖବର ଦେଇଥିଲେ । ପାଟଣା ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ଟ୍ରକରୁ ନିଆଁ ଲିଭାଇଥିଲେ । ପଶ୍ଚିମ ବଙ୍ଗର ନମ୍ବର ଥିବା ଏହି ୧୪ଚକିଆ ଟ୍ରକଟି କେନ୍ଦୁଝର ପଟୁ ଯଶିପୁର ଆଡକୁ ଯାଉଥିଲା। ଏହି ଟ୍ରକଟିରେ ବିଭିନ୍ନ ଟ୍ରାନ୍ସପୋର୍ଟ କମ୍ପାନୀର ଏସିଡ, ଜୋତା, କାଚ ସମାଗ୍ରି, ସେପ୍ଟି ହେଲମେଣ୍ଟ ଓ କାଗଜ ଫାଇଲ ପ୍ରଭୁତି ଅନ୍ୟାନ୍ୟ ଜିନିଷ ପତ୍ର ଥିବା ଜଣାପଡିଛି ।
