କୋରାପୁଟ(କାର୍ଯ୍ୟାଳୟ): କୋରାପୁଟରୁ ବିଶାଖାପାଟଣା ରେଳ ରାସ୍ତାରେ ପୁଣି ଥରେ ମାଲବାହୀ ଟ୍ରେନ ଲାଇନଚ୍ୟୁତ ହୋଇଥିବା ଜଣାପଡିଛି। ଶୁକ୍ରବାର କୋରାପୁଟରୁ ସୁକୁ ମଧ୍ୟରେ ତିଆଡି ପୁଟ ନିକଟରେ ଟ୍ରେନଟି ଲାଇନଚ୍ୟୁତ ହୋଇଛି। ମାଲବାହୀ ଟ୍ରେନ କିରୁଣ୍ଡଲରୁ ବିଶାଖାପାଟଣା ଯାଉଥିବା ବେଳେ ଘଟିଛି ଏହି ଦୁର୍ଘଟଣା। ଫଳରେ କୋରାପୁଟରୁ ବିଶାଖାପାଟଣା ରେଳପଥରେ ଟ୍ରେନ ଚଳାଚଳ ବନ୍ଦ କରାଯାଇଛି। ବିଶାଖାପାଟଣାରୁ କୋରାପୁଟ ଆସୁଥୁବା ପାସେଞ୍ଜର୍ ଟ୍ରେନ ପାଲିବା ନିକଟରେ ଅଟକି ରହିଥିବା ସୂଚନା ରହିଛି।
ପ୍ରକାଶ ଥାଉକି, କିଛି ଦିନ ତଳେ ଆରକୁ ନିକଟରେ ରାମଲିଙ୍ଗମପୁର ନିକଟରେ ମାଲବାହୀ ଟ୍ରେନ ଲାଇନଚ୍ୟୁତ ହୋଇଥିଲା। ବାରମ୍ୱାର ମାଲବାହୀ ଟ୍ରେନ ଲାଇନଚ୍ୟୁତ ହେଉଥିବାର ଦେଖାଯାଉଛି। ଏହି ରାସ୍ତା ଦେଇ ଯାତ୍ରୀବାହୀ ଟ୍ରେନ ମଧ୍ୟ ଯାତାୟାତ କରୁଛି।
Comments are closed.