ନୂଆଦିଲ୍ଲୀ: ଜାନୁଆରୀ ୨୨ରେ ଅଯୋଧ୍ୟାରେ ହେବ ରାମଲାଲାଙ୍କ ପ୍ରାଣ ପ୍ରତିଷ୍ଠା ଉତ୍ସବ । ୫ଶହ ବର୍ଷ ପରେ ମନ୍ଦିର ପ୍ରତିଷ୍ଠା ହେଉଥିବାରୁ ନିଜ ଜନ୍ମସ୍ଥଳୀକୁ ଫେରିବେ ପ୍ରଭୁ ରାମଲାଲା । ଏହାରି ଭିତରେ ରାମ ମନ୍ଦିର ଓ ଅଯୋଧ୍ୟାକୁ ନେଇ ବହୁ ରୋଚକ ଖବର ସୋସିଆଲ ମିଡ଼ିଆରେ ଭାଇରାଲ ହେଉଛି । ଅନେକ ଭୁଲ ଓ ବିଭ୍ରାନ୍ତିକର ଖବର ମଧ୍ୟ ଭାଇରାଲ ହେବାରେ ଲାଗିଛି । ଏହିପରି ଏକ ଭୁଲ ଖବର ଏବେ ସାମ୍ନାକୁ ଆସିଛି । ୫୦୦ ଟଙ୍କିଆ ନୋଟରେ ଲାଲକିଲ୍ଲା ବଦଳରେ ରାମ ମନ୍ଦିର ଓ ମହାତ୍ମା ଗାନ୍ଧୀଙ୍କ ସ୍ଥାନରେ ପ୍ରଭୁ ରାମଙ୍କ ଫଟୋ ଛପାଯାଇଛି । ଏହା ଖୁବ ଭାଇରାଲ ହେଉଥିବା ବେଳେ ଏହି ଖବର ସମୂର୍ଣ୍ଣ ମିଛ ବୋଲି ଜଣାପଡିଛି ।
ଏହି ୫୦୦ ଟଙ୍କିଆ ନୋଟକୁ ଦେଖି କେହି କେହି କହୁଛନ୍ତି ରାମଲାଲାଙ୍କ ପ୍ରାଣ ପ୍ରତିଷ୍ଠା ସହିତ ନୂଆ ୫ଶହ ଟଙ୍କିଆ ନୋଟ ମାର୍କେଟକୁ ଆସିବାକୁ ଯାଉଛି । ଅନେକ ଲୋକ ଏହାକୁ ସେୟାର କରିଥିବା ଦେଖିବାକୁ ମିଳିଛି । ତେବେ ଏହା ସମ୍ପୂର୍ଣ୍ଣ ରୂପେ ଭୁଲ ଏଭଳି କିଛି ପରିବର୍ତ୍ତନ ହୋଇଥିଲେ ସରକାରଙ୍କ ପକ୍ଷରୁ ସୂଚନା ଦିଆଯାଇଥାନ୍ତା ବୋଲି କୁହାଯାଉଛି ।
Comments are closed.