ଠାକୁରମୁଣ୍ଡା : ପିଲାଙ୍କ ପାଇଁ ଦିନଟିଏ କହି ସାରା ରାଜ୍ୟରେ ଗୁରୁବାର ଶିଶୁଦିବସ ପାଳନ କରାଯାଉଥିବା ବେଳେ ମୟୁରଭଞ୍ଜ ଜିଲାରେ ଏହି ଦିନରେ ଏକ ଅମାନୁସିକ ଘଟଣା ଘଟିଛି। ଏକ ୫ ବର୍ଷର ଶିଶୁକୁ ଜଣେ ୪୭ ବର୍ଷୀୟ ବ୍ୟକ୍ତି ଦୁଷ୍କର୍ମ କରିଥିବା ଅଭିଯୋଗ ହୋଇଛି।
ସୂଚନା ଅନୁସାରେ, କରଞ୍ଜିଆ ଥାନା ଅନ୍ତର୍ଗତ ବୋଳା ଗ୍ରାମପଞ୍ଚାୟତ ଅଞ୍ଚଳର ପୂରେନ୍ଦ୍ର ମହାନ୍ତ(୪୭) ନାମକ ବ୍ୟକ୍ତି ସେହି ଅଞ୍ଚଳର ଏକ ଶିଶୁ କନ୍ୟାକୁ ଘରେ କେହି ନଥିବା ସମୟରେ ଦୁଷ୍କର୍ମ କରିଥିଲା। ଏନେଇ ପୀଡ଼ିତା ପରିବାର ଲୋକଙ୍କୁ କହିବା ପରେ ସେମାନେ ଗତକାଲି ରାତିରେ କରଞ୍ଜିଆ ଥାନାରେ ଅଭିଯୋଗ କରିଥିଲେ। କରଞ୍ଜିଆ ପୁଲିସ କେସ୍ ନଂ ୧୭୩/୧୯, ପୋକ୍ସୋ ଆଇନ ୩୭୬ରେ ମାମଲା ରୁଜୁ କରି ଅଭିଯୁକ୍ତ ପୂରେନ୍ଦ୍ର ମହାନ୍ତକୁ କରଞ୍ଜିଆ ଥାନାରେ ଅଟକ ରଖି ତଦନ୍ତ ଜାରି ରଖିଛି। ଅନ୍ୟପକ୍ଷରେ ପୀଡିତା ଶିଶୁ କରଞ୍ଜିଆ ମେଡିକାଲରେ ଚିକିତ୍ସିତ ଥିବା ଜଣାପଡ଼ିଛି।
Comments are closed.