ଚୌଦ୍ୱାର : ଆସନ୍ତା ୮ତାରିଖ ଦିନ ୫-ଟି ସଚିବଙ୍କ ଚୌଦ୍ୱାର ଆଗମନ ଓ ଜନ ଶୁଣାଣୀ କାର୍ଯ୍ୟକ୍ରମକୁ ନେଇ ପ୍ରଶାସନିକସ୍ତରରେ ପ୍ରସ୍ତୁତି ଆରମ୍ଭ କରାଯାଇଛି । ଜିଲାପାଳ ଭବାନୀ ଶଙ୍କର ଚୟନୀ ଶନିବାର ଦିନ ଚୌଦ୍ୱାର ଆସି ଗୋପବନ୍ଧୁ ହାଇସ୍କୁଲ ପଡ଼ିଆରେ ଜନ ଶୁଣାଣୀ ପାଇଁ ନିର୍ମାଣ କରାଯାଇଥିବା ଅସ୍ଥାୟୀ ସଭାସ୍ଥଳୀ, ବିଦ୍ୟୁତ୍ ବ୍ୟବସ୍ଥା, ଡେଲିପ୍ୟାଡ଼, ବ୍ୟାରିକେଡ଼ ଆଦି ପ୍ରତ୍ୟକ୍ଷ ଅନୁଧ୍ୟାନ କରିଥିଲେ। ସଭାର ଆୟୋଜନ ଓ ସଭାସ୍ଥଳରେ ଜନ ସାଧାରଣଙ୍କ ବସିବା, ଯାତାୟତ, ପାନୀୟ ଜଳ ବ୍ୟବସ୍ଥା, ଶାନ୍ତି ଶୃଙ୍ଖଳା ବଜାୟ ରଖିବା ଆଦି ସମ୍ପର୍କରେ ପୌର ପ୍ରଶାସନ ଓ ସ୍ଥାନୀୟ ପୁଲିସ ଅଧିକାରୀ ମାନଙ୍କ ସହିତ ବିସ୍ତୃତ ଆଲୋଚନା କରିଥିଲେ। ଏହି ଉପଲକ୍ଷେ ବ୍ୟାଘ୍ରବାହିନୀ ମନ୍ଦିର ନିକଟ ଡାକ ବଙ୍ଗଳାରେ ଆୟୋଜିତ ଏକ ବୈଠକରେ ପୌର ନିର୍ବାହୀ ଅଧିକାରୀ ସଂଜୀବ ମହାପାତ୍ରଙ୍କ ସମେତ ପୁଲିସ୍, ଜନସ୍ୱାସ୍ଥ୍ୟ, ପୁର୍ତ୍ତ, ବିଦ୍ୟୁତ୍ ଆଦି ବିଭିନ୍ନ ବିଭାଗର ଅଧିକାରୀମାନେ ଉପସ୍ଥିତ ଥିଲେ।
Comments are closed.