ସମାଜ ଡିଜିଟାଲ ଡେସ୍କ: ନେପାଳର ନୂଆକୋଟଠାରେ ବୁଧବାର ଅପରାହ୍ନରେ ଏକ ହେଲିକପ୍ଟର ଦୁର୍ଘଟଣାଗ୍ରସ୍ତ ହେବାରୁ ପାଇଲଟଙ୍କ ସମେତ ୫ ଜଣଙ୍କର ମୃତ୍ୟୁ ଘଟିଥିବା ସୂଚନା ମିଳିଛି। ଏୟାର ଡାଇନାଷ୍ଟିର ଏହି ହେଲିକପ୍ଟରର ଦୁର୍ଘଟଣା ପଛର କାରଣ ଜଣାପଡ଼ିନାହିଁ। ହେଲିକପ୍ଟରଟି କାଠମାଣ୍ଡୁରୁ ରସୁଓ୍ବା ଯାଉଥିଲା। ତ୍ରିଭୁବନ ଅନ୍ତର୍ଜାତୀୟ ବିମାନବନ୍ଦରରୁ ହେଲିକପ୍ଟରଟି ଅପରାହ୍ନ ୧ଟା ୫୪ ମିନିଟରେ ଉଡ଼ାଣ ଆରମ୍ଭ କରିଥିଲା। ଏହାର ୩ ମିନିଟ ପରେ ହେଲିକପ୍ଟର ସହିତ ଯୋଗାଯୋଗ ଚ୍ଛିନ୍ନ ହୋଇଯାଇଥିଲା। ଯାନ୍ତ୍ରିକ ତ୍ରୁଟି ଯୋଗୁ ହେଲିକପ୍ଟର ଖସିପଡ଼ିଥିବା ଅନୁମାନ କରାଯାଉଛି।
ମୃତକଙ୍କ ମଧ୍ୟରୁ ୨ ଜଣ ପୁରୁଷ, ଜଣେ ମହିଳା ଏବଂ ପାଇଲଟ୍ଙ୍କୁ ଚିହ୍ନଟ କରାଯାଇଛି। ଆଉ ଏକ ମୃତଦେହ ଜଳିଯାଇଥିବାରୁ ତାହାକୁ ଚିହ୍ନଟ କରାଯାଇପାରି ନାହିଁ।
Comments are closed.