ଦିଗପହଣ୍ଡି: ଗଞ୍ଜାମ ଦିଗପହଣ୍ଡି ଫାଶିଗୁଡା ଗାଁରେ କରେଣ୍ଟ ଲାଗି ୧୫ଜଣ ଶିଶୁ ଆହତ ଘଟଣାରେ ୫ଜଣ ଗିରଫ ହୋଇଛନ୍ତି। ଜାମିନ୍ ନାମଞ୍ଜୁର ହେବାରୁ ଜେଲ ଯାଇଛନ୍ତି ଅଭିଯୁକ୍ତ। ବିଭାଗୀୟ ତଦନ୍ତ ପରେ ପରିଚାଳନା କମିଟିର ସଭାପତି ଶିବରାମ ବିଶୋଇ , ରାଜେନ୍ଦ୍ର ଦୋରା, ଶିବରାମ ବେହେରା, ରବିନ୍ଦ୍ର କୁମାର ସାହୁ ଏବଂ ବିଜୟ କୁମାର ରାଉଳଙ୍କୁ ଗିରଫ କରାଯାଇଛି। ଏଥିସହ ପୁଲିସ ନାଟକ ପରିବେଷଣରେ ବ୍ୟବହୃତ ସମସ୍ତ ବିଦ୍ୟୁତ ସରଞ୍ଜାମ, ଡିଜେ ବକ୍ସ ଓ ଏକ ଗାଡ଼ିକୁ ଜବତ କରିଛି। ରବିବାର ଦିନ ଫାଶିଗୁଡା ଗ୍ରାମଦେବୀଙ୍କ ମନ୍ଦିର ପ୍ରତିଷ୍ଠା ଉତ୍ସବ ଅବସରରେ ରାମାୟଣ ନାଟକ ପରିବେଷଣ ହୋଇଥିଲା। ନାଟକ ଦେଖିବା ସମୟରେ ବର୍ଷା ହୋଇଥିଲା। ଷ୍ଟେଜର ଆଗରେ ବସିଥିବା ଶିଶୁମାନେ ଷ୍ଟେଜ ତଳେ ପଶିଯାଇଥିଲେ। ତେବେ ବର୍ଷା ପାଇଁ ଷ୍ଟେଜ୍ ତଳେ ପାଣି ଜମି ତାହା ଆର୍ଥି ହୋଇଯାଇଥିଲା । ଫଳରେ ଷ୍ଟେଜ୍ ନିକଟରେ ବିଦ୍ୟୁତ୍ ଆଘାତରେ ୧୫ଜଣ ଶିଶୁ ଆହତ ହୋଇଥିଲେ। ତଦନ୍ତ ବେଳେ ଜଣାପଡିଥିଲା ବେଆଇନ୍ ଭାବେ ବିଦ୍ୟୁତ୍ ସଂଯୋଗ କରାଯାଇଥିଲା। ପୁଲିସ୍ ଏହି ଘଟଣାରେ ୫ ଜଣଙ୍କୁ ଗିରଫ କରିଛି।
Comments are closed.