ନୂଆଦିଲ୍ଲୀ : ଭାରତୀୟ ଡାକ୍ତରୀ ଗବେଷଣା ପରିଷଦ(ଆଇସିଏମ୍ଆର୍) କହିଛି, ଏପର୍ଯ୍ୟନ୍ତ ମୋଟ୍ ୩ଲକ୍ଷ ୨ ହଜାର ୯୫୬ ନମୁନାର ପରୀକ୍ଷା କରାଯାଇଛି। ବିଭିନ୍ନ ସରକାରୀ ଓ ଘରୋଇ ପରୀକ୍ଷାଗାରରେ ଗୁରୁବାର ୭୭ ହଜାର ୨୫୬ ନମୁନାର ପରୀକ୍ଷା କରାଯାଇଛି।
ଆଇସିଏମ୍ଆର୍ର ଜଣେ ପ୍ରତିନିଧି କହିଛନ୍ତି, ଏହାର ୧୮୩ଟି ପରୀକ୍ଷାଗାର ଏବଂ ୩ଟି ନମୁନା ସଂଗ୍ରହ କେନ୍ଦ୍ର ଓ ଆଉ ୮୦ଟି ବେସରକାରୀ ପରୀକ୍ଷାଗାରରେ କୋଭିଡ-୧୯ ଭୂତାଣୁ ସଂକ୍ରାନ୍ତ ନମୁନାଗୁଡ଼ିକର ପରୀକ୍ଷା କରାଯାଉଛି।
ସେ କହିଛନ୍ତି, ଏହିସବୁ ପରୀକ୍ଷା ଶୀଘ୍ର ରୋଗ ନିରୂପଣ ଉଦ୍ଦେଶ୍ୟରେ କରାଯାଉ ନାହିଁ, ବରଂ ଏହା ପର୍ୟ୍ୟବେକ୍ଷଣ ଓ କେଉଁ କେଉଁ ସ୍ଥାନରେ ଅଧିକ ଭୂତାଣୁ ସଂକ୍ରମଣ ହୋଇଛି, ତାହା ଜାଣିବା ପାଇଁ କରାଯାଉଛି। ସେ କହିଛନ୍ତି, ଦେଶରେ ୫ଲକ୍ଷ ଦ୍ରୁତ ପରୀକ୍ଷା କିଟ୍ ମହଜୁଦ ରହିଛି।
ଆଇସିଏମ୍ଆରରେ ୩ଲକ୍ଷ ୨ହଜାରରୁ ଅଧିକ ନମୁନାର ପରୀକ୍ଷା କରାଯାଇଛି
Popular Categories
Previous article
Next article