ଭୁବନେଶ୍ବର (ବ୍ୟୁରୋ) : କରୋନା ଯୋଗୁଁ ସାମାଜିକ ଦୂରତ୍ବକୁ ସରକାର ବାଧ୍ୟତାମୂଳକ କରିଛନ୍ତି । ବଜାରକୁ ଗାଡ଼ିମୋଟର ଧରିଯିବାକୁ ବାରଣ କରାଯାଇଛି । ବାହାରକୁ ବାହାରିବା ମାତ୍ରେ ମୁହଁରେ ମାସ୍କ, ଗାମୁଛା ବା ରୁମାଲ ଭିଡ଼ିବା ଜରୁରୀ । ବାହାରେ ଛେପ ପକାଇବାକୁ ମନା ହୋଇଛି । ଏହା ସତ୍ତ୍ବେ ଶୁକ୍ରବାର ରାଜଧାନୀର ଆଇଁଷ ବଜାରରେ ଲୋକଙ୍କ ବେଶ୍ ଭିଡ଼ ଜମିଥିବା ଦେଖିବାକୁ ମିଳିଛି । ସକାଳେ ବିଭିନ୍ନ ବଜାରରେ ପୁଲିସ ଚଢ଼ଉ କରି କିଛି ଲୋକଙ୍କଠାରୁ ଜୋରିମାନା ଆଦାୟ କରିଛି । କିଛି ଲୋକଙ୍କ ଗାଡ଼ି ଜବତ ମଧ୍ୟ ହୋଇଛି । ଏହି ସ୍ଥିତିରେ ରବିବାରକୁ ଜଗିଛି ପୁଲିସ । ସରକାରୀ ନିୟମ ଭାଙ୍ଗି ଆଇଁଷ ବଜାରକୁ ଯାଉଥିବା ଓ ଭିଡ଼ ଜମାଉଥିବା ଲୋକଙ୍କୁ ପାନେ ଦେବାକୁ ଚାହିଁ ବସିଛି । ତେଣୁ ଆଇଁଷ କିଣିବାକୁ ଯାଇ ଆଇନ ନ ଭାଙ୍ଗିବାକୁ ପୁଲିସ ପରାମର୍ଶ ଦେଇଛି । ଯେଉଁମାନେ ଆଇନ ଭାଙ୍ଗିବେ ସେମାନଙ୍କ ବିରୋଧରେ କଠୋର ପଦକ୍ଷେପ ଗ୍ରହଣ କରାଯିବ ବୋଲି ପୁଲିସ ସତର୍କ କରାଇ ଦେଇଛି ।
Popular Categories
Previous article
Next article