ସମାଜ ଡିଜିଟାଲ ଡେସ୍କ: ପାରାଦୀପ ବନ୍ଦରରେ ଘାନା ନାଗରିକ। ୩ ଘାନା ନାଗରିକଙ୍କୁ ନେଇ ଆରମ୍ଭ ହୋଇଛି ତନାଘନା। ରୁଷରୁ ଆସିଥିବା ଏକ ଚୀନ ଜାହାଜ ବନ୍ଦରରେ ଲାଗିବା ପରେ ଏହି ଘାନା ନାଗରିକମାନଙ୍କୁ ଠାବ କରାଯାଇଥିଲା। ଏହି ନାଗରିକମାନେ ଉକ୍ତ ଜାହାଜରେ ଲୁଚି ପଳାଇ ଆସିଥିବା ଜଣାପଡ଼ିଛି। ପାରାଦୀପ ଇମିଗ୍ରେସନ(ଆପ୍ରବାସନ) କାର୍ଯ୍ୟାଳୟ ଏ ବିଷୟରେ ଅବଗତ ହେବା ପରେ ଉକ୍ତ ଜାହାଜଟିକୁ ନୋଟିସ ଜାରି କରିଛି। କେଉଁ ଉଦ୍ଦେଶ୍ୟରେ ଏହି ନାଗରିକମାନେ ଆସିଛନ୍ତି ତାହା ଜଣାପଡ଼ି ନ ଥିବାବେଳେ ସେମାନଙ୍କୁ ଭାରତର କୌଣସି ବନ୍ଦରରେ ନ ଓହ୍ଲାଇବାକୁ ଜାହାଜକୁ ଇମିଗ୍ରେସନ କାର୍ଯ୍ୟାଳୟ ପକ୍ଷରୁ ଦିଆଯାଇଥିବା ନୋଟିସରେ ନିର୍ଦେଶ ରହିଛି। ଘଟଣାର ତଦନ୍ତ ପାଇଁ ନାଗରିକମାନଙ୍କୁ କେନ୍ଦ୍ରୀୟ ଶିଳ୍ପ ନିରାପତ୍ତା ବାହିନୀ(ସିଆଇଏସଏଫ) ନିଜ ହେପାଜତକୁ ନେଇଛି।
Comments are closed.