ସମାଜ ଡିଜିଟାଲ ଡେସ୍କ: ନାବାଳିକା ଛାତ୍ରୀଙ୍କୁ ଅସଦାଚରଣ କରିବା ଅଭିଯୋଗରେ ପୁଲିସ ୩ ଜଣ ଅଭିଯୁକ୍ତଙ୍କୁ ଅଟକ ରଖିଛି। ଜଗତସିଂହପୁର ଜିଲା ଲକ୍ ଥାନା ଅଞ୍ଚଳରେ ଏହି ଘଟଣା ଘଟିଥିଲା। ଛାତ୍ରୀ ଜଣକ ଟ୍ୟୁସନ ଯିବା ସମୟରେ ଅଭିଯୁକ୍ତମାନେ ତାଙ୍କୁ ଅସଦାଚରଣ କରିଥିଲେ। ନିୟମିତମାନେ ଅଭିଯୁକ୍ତମାନେ ଏଭଳି କରିବାରୁ ଛାତ୍ରୀଙ୍କ ପକ୍ଷରୁ ଗତ ଶୁକ୍ରବାର ରାତିରେ ଥାନାରେ ଏତଲା ଦିଆଯାଇଥିଲା।
ଅଭିଯୁକ୍ତମାନେ ଛାତ୍ରୀଙ୍କୁ ଅସଦାଚରଣ କରିବା ପରେ ଘଟଣା ବିଷୟରେ କାହାକୁ କିଛି ନ କହିବାକୁ ଧମକ ଦେଉଥିଲେ। ଏହା ପ୍ରଘଟ କଲେ ଦୁଷ୍କର୍ମ ସହିତ ଏସିଡ ଦ୍ଵାରା ଆକ୍ରମଣ କରିବାକୁ ମଧ୍ୟ ଧମକାଇଥିଲେ ବୋଲି ଛାତ୍ରୀ ଅଭିଯୋଗ କରିଥିଲେ। ଏହା ପରେ ପୁଲିସ ଛାତ୍ରୀଙ୍କ ବୟାନ ରେକର୍ଡ କରିଥିଲା। ତାହାକୁ ଆଧାର କରି ପୁଲିସ ଅଭିଯୁକ୍ତମାନଙ୍କୁ ଉଠାଇ ଆଣି ଥାନାରେ ଅଟକ ରଖି ପଚରାଉଚରା କରୁଥିବା ସୂଚନା ମିଳିଛି।
