ନୂଆଦିଲ୍ଲୀ : ୱେଷ୍ଟଇଣ୍ଡିଜର ନର୍ଥ ସାଉଣ୍ଡରେ ଭାରତ ଓ ୱେଷ୍ଟଇଣ୍ଡିଜ ମଧ୍ୟରେ ଖେଳାଯାଇଥିବା ପ୍ରଥମ ଟେଷ୍ଟରେ ବିପୁଳ ବିଜୟ ସହ ଭାରତ ବିଶ୍ବ ଟେଷ୍ଟ ଚମ୍ପିଆନ୍ସିପ୍ରେ ତା’ର ଅଭିଯାନ ଆରମ୍ଭ କରିଛି। ଅଜିଙ୍କ୍ୟ ରାହାଣେଙ୍କ ଶତକ ପରେ ଯଶପ୍ରୀତ ବୁମ୍ରାଙ୍କ ଘାତକ ବୋଲିଂ ବଳରେ ଭାରତ ୩୧୮ ରନ୍ରେ ଘରୋଇ ୱେଷ୍ଟଇଣ୍ଡିଜ୍କୁ ପରାସ୍ତ କରିଛି। ଏହି ମ୍ୟାଚ୍ ଜିତି ବିଶ୍ବ ଟେଷ୍ଟ ଚମ୍ପିଆନ୍ସିପ୍ରେ ଭାରତ ୬୦ ପଏଣ୍ଟ ପାଇଛି।
କୋହଲିଙ୍କ ଅଧିନାୟକତ୍ବରେ ବିଦେଶ ମାଟିରେ ଏହା ଭାରତର ୧୨ତମ ଟେଷ୍ଟ ବିଜୟ। ଏହି ବିଜୟ ସହିତ କୋହଲି ପୂର୍ବତନ ଅଧିନାୟକ ସୌରଭ ଗାଙ୍ଗୁଲି(ଦାଦା)ଙ୍କ ରେକର୍ଡ ଅତିକ୍ରମ କରିଛନ୍ତି । ଗାଙ୍ଗୁଲିଙ୍କ ଅଧିନାୟକତ୍ୱରେ ଭାରତ ବିଦେଶ ମାଟିରେ ୨୮ରୁ ୧୧ଟି ଟେଷ୍ଟ ମ୍ୟାଚ ଜିତିଥିଲା କିନ୍ତୁ କୋହଲି ବିଦେଶ ମାଟିରେ ୨୬ଟି ମ୍ୟାଚ ଖେଲି ୧୨ଟି ଜିତିଛନ୍ତି ।
ଆସନ୍ତା ୩୦ରୁ ଉଭୟ ଦଳଙ୍କ ମଧ୍ୟରେ ୨ୟ ତଥା ଅନ୍ତିମ ଟେଷ୍ଟମ୍ୟାଚ୍ ଆରମ୍ଭହେବ।
Comments are closed.