ଭୁବନେଶ୍ୱର : ଭି-ମାର୍ଟ ରିଟେଲ ଲିମିଟେଡ୍ ପକ୍ଷରୁ ଲାଇମ୍ରୋଡ୍କୁ ଅଧିଗ୍ରହଣ କରିବା ଲାଗି ବୁଝାମଣା ସ୍ୱାକ୍ଷର କରାଯାଇଛି। ଏହା ଜରିଆରେ କମ୍ପାନୀ ଭାରତରେ ଡିଜିଟାଲ କ୍ରୟ କରୁଥିବା ୫ କୋଟି ଗ୍ରାହକଙ୍କ ପାଖରେ ପହଞ୍ଚିବା ଲକ୍ଷ୍ୟ ରଖିଛି। ଲାଇମ୍ରୋଡ ଦୈନିକ ୨,୫୦,୦୦୦ ଆପ୍ ଡାଉନ୍ଲୋଡ୍ ପ୍ରଦାନ କରୁଥିବା ବେଳେ ସର୍ବଭାରତୀୟ ସପିଙ୍ଗ ପ୍ଲେ ଷ୍ଟୋରରେ ତିନି ନମ୍ବର ସ୍ଥାନରେ ରହିଛି।
ଏହାର ଏନପିଏସ୍ ସ୍କୋର ୪୪ ଥିବାବେଳେ ଭାଲ୍ୟୁ ଫେସନ ରିଟେଲ୍ ପ୍ଲାଟଫର୍ମରେ ଦ୍ରୁତ ଅଭିବୃଦ୍ଧିଶୀଳ ଓମନି ଚ୍ୟାନେଲ୍ ହେବା ପାଇଁ ଭି-ମାର୍ଟ ଓ ଲାଇମ୍ରୋଡ୍ ପାଖରେ ଅଭିଜ୍ଞତା ରହିଛି। ଲାଇମରୋଡ୍କୁ ବ୍ୟାପକ କରିବା ଲାଗି ୧୫୦ କୋଟି ଟଙ୍କା ନିବେଶ କରିବାକୁ ଭି-ମାର୍ଟ ଯୋଜନା ରଖିଛି। ଲାଇମ୍ରୋଡ୍ର ପ୍ରତିଷ୍ଠାତା ସୁଚି ମୁଖାର୍ଜୀ ଏହି ଓମନି ଚ୍ୟାନେଲ ବ୍ୟବସାୟର ସିଇଓ ଭାବେ ଭି-ମାର୍ଟରେ ଯୋଗଦେବେ ଏବଂ ଲାଇମ୍ରୋଡ୍ର ସହ ପ୍ରତିଷ୍ଠାତା ଅଙ୍କୁଶ ମେହରା ସିଓଓ ଭାବେ କାର୍ଯ୍ୟ ଜାରି ରଖିବେ। ଏଥି ପାଇଁ ଭି-ମାର୍ଟ ଲାଗି ସ୍ୱତନ୍ତ୍ର ଆର୍ଥିକ ଉପଦେଷ୍ଟା ଭାବେ ମେଟା କ୍ୟାପିଟାଲ ଓ ଆଇନଗତ ପରାମର୍ଶଦାତା ଭାବେ ସରାଫ ଆଣ୍ଡ୍ ପାର୍ଟନର୍ସ କାର୍ଯ୍ୟ କରିଛନ୍ତି ବୋଲି ଭି-ମାର୍ଟ ରିଟେଲ୍ ଲିମିଟେଡ୍ର ପରିଚାଳନା ନିର୍ଦେଶକ ଲଳିତ ଅଗ୍ରୱାଲ ସୂଚନା ଦେଇଛନ୍ତି।
