ସପ୍ତାହେ ପୂରିଲା ଲୋୟର ଇନ୍ଦ୍ର ବିସ୍ଥାପିତ ସହାୟତା ସମିତିର ଧାରଣା
ଖଡ଼ିଆଳ: ନୂଆପଡ଼ା ଜିଲା ଖଡ଼ିଆଳସ୍ଥିତ ଲୋୟର ଇନ୍ଦ୍ର ଜଳସେଚନ କାର୍ୟ୍ୟାଳୟ ସମ୍ମୁଖରେ ବିସ୍ଥାପିତ ସହାୟତା ସମତି ଅନ୍ତର୍ଗତ ଗ୍ରାମ୍ୟ କମିଟିର ଧାରଣାକୁ ମଙ୍ଗଳବାର ସପ୍ତାହେ ପୂରିଛି। ତଥାପି ଧାରଣାସ୍ଥଳରେ କୌଣସି ଅଧିକାରୀଙ୍କ ଦେଖାଦର୍ଶନ ନାହିଁ। ବିସ୍ଥାପିତମାନେ ସେମାନଙ୍କ ନ୍ୟାଯ୍ୟ ହକ ମାଗୁଥିବା ବେଳେ ସେମାନଙ୍କୁ ଅଣଦେଖା କରାଯାଉଥିବା ବିସ୍ଥାପିତମାନେ ଅଭିଯୋଗ କରିବା ସହ ପ୍ରଶାସନ ସେମାନଙ୍କ ଦାବିକୁ ତୁରନ୍ତ ମାନି ନେବାକୁ ଅନୁରୋଧ କରିଛନ୍ତି।
ଅନ୍ୟପକ୍ଷରେ ନକଲି ଓ ଅସଲି ବିସ୍ଥାପିତଙ୍କୁ ନେଇ ପ୍ରଶ୍ନ ଉଠିଥିବାରୁ ଗୋଟିଏ ସ୍ଥାନରେ ଆଲୋଚନା ହେଲେ କିଏ ଅସଲି ଓ ଆଉ କିଏ ନକଲି ତାହା ସ୍ପଷ୍ଟ ହେବ ବୋଲି ସେମାନେ କହିଛନ୍ତି। ଆଜିର ଧାରଣରେ ବିସ୍ଥାପିତ ସହାୟତା ସମିତି ସଭ୍ୟ ଯୋଗେନ୍ଦ୍ର ନାଗ ସଭାପତିତ୍ୱ କରିଥିବା ବେଳେ ନୀଳକଣ୍ଠ ପ୍ରଧାନ, ଜୟରାମ ମାଝୀ, ଦୁର୍ଜନ ସାହୁ, କରୁଣାକର ହୋତା, ନାରାୟଣ ଅହିର, ତୁକାରାମ ସଗରିଆ, ଯୋଗେ କଠାର, ଉମେଶ ପଟେଲ, ଟିକାରାମ ମାଝୀ, କାଳୀଦାସ ସୁନାନୀଙ୍କ ସମେତ ଶତାଧିକ ବିସ୍ଥାପିତ ସାମିଲ ଥିଲେ।
Comments are closed.