ନୂଆଦିଲ୍ଲୀ: ସହରରେ ବୁଲା କୁକୁର ଉପଦ୍ରବ ଓ କୁକୁର କାମୁଡ଼ିବା ନେଇ ଦିଲ୍ଲୀ ବିଧାନସଭା ହୁଲସ୍ତୁଲ। ଏହି ସମସ୍ୟା ନେଇ ଦିଲ୍ଲୀ ମ୍ୟୁନିସିପାଲିଟି କର୍ପୋରେସନ (ଏମ୍ସିଡି) ଉପରେ ଗୁରୁତର ଅଭିଯୋଗ ଆସିଛି। ଦାବି କରାଯାଇଛି ଯେ, ଯେଉଁ ବ୍ୟକ୍ତିଙ୍କୁ ବୁଲା କୁକୁର କାମୁଡ଼ିବ ତାଙ୍କୁ ଏମ୍ସିଡି ଏକ ଲକ୍ଷ ଟଙ୍କାର କ୍ଷତିପୂରଣ ଦେବ। ବିଧାନସଭା ଅଧ୍ୟକ୍ଷ ରାମନିବାସ ଗୋଏଲଙ୍କ କହିବାନୁସାରେ, ଏହି ସମସ୍ୟା ଅତ୍ୟନ୍ତ ଗମ୍ଭୀର ହୋଇପଡ଼ିଛି ଓ ସମସ୍ତ ବିଧାୟକ ମଧ୍ୟ ସମସ୍ୟାର ସମ୍ମୁଖୀନ ହେଉଛନ୍ତି। ବିଧାୟକ ସୋମନାଥ ଭାରତୀ ବିଧାନସଭାରେ ଏହି ପ୍ରଶ୍ନ ଉଠାଇଥିଲେ। ସେ ଉପସ୍ଥାପନ କରିଥିବା ତଥ୍ୟ ମୁତାବକ ଦିଲ୍ଲୀରେ ପ୍ରାୟ ଏକ ଲକ୍ଷ ୮୯ ହଜାର ବୁଲା କୁକୁର ଅଛନ୍ତି। ଏମ୍ସିଡି କୁକୁର ବନ୍ଧ୍ୟାକରଣ ଲାଗି ପ୍ରାୟ ୩୫ କୋଟି ଟଙ୍କା ଖର୍ଚ୍ଚ କରିଛି। ଏଥିସତ୍ତ୍ୱେ ଦିଲ୍ଲୀରେ ୪୯ ହଜାର କୁକୁର ଛୁଆ ରହିଥିବା ଜଣାପଡ଼ିଛି। ଏହି ମାମଲାରେ ବ୍ୟାପକ ଅନିୟମିତତା ହୋଇଥିବା ଅଭିଯୋଗ ଆସିଛି।
ସମଗ୍ର ଦିଲ୍ଲୀରେ ବୁଲା କୁକୁର କାମୁଡ଼ିବା ନେଇ ଅଭିଯୋଗ ଆସୁଛି। ରାତିରେ ଅଫିସରୁ ଘରକୁ ଆସୁଥିବା ଲୋକେ ବିଶେଷ ସମସ୍ୟା ଭୋଗୁଛନ୍ତି। କୁକୁର ଭୟରେ ମହିଳା ଓ ବରିଷ୍ଠ ନାଗରିକ ପାର୍କକୁ ଯାଇପାରୁନାହାନ୍ତି। ଚଣ୍ଡୀଗଡ଼ରେ ଯେଭଳି କୌଣସି ବ୍ୟକ୍ତିଙ୍କୁ ବୁଲା କୁକୁର କାମୁଡ଼େ, ତାଙ୍କୁ ସ୍ଥାନୀୟ ପ୍ରଶାସନ କ୍ଷତିପୂରଣ ଦେବାର ବ୍ୟବସ୍ଥା ରହିଛି। ସେହିଭଳି ଦିଲ୍ଲୀରେ ଏହି ବ୍ୟବସ୍ଥା ଲାଗୁ ହେବା ଉଚିତ ବୋଲି ଭାରତୀ ସଦନରେ ଦାବି କରିଛନ୍ତି।
ବୁଲା କୁକୁର କାମୁଡ଼ିଲେ ମିଳିବ ଲକ୍ଷେ ଟଙ୍କାର କ୍ଷତିପୂରଣ !
Popular Categories
Previous article
Next article