ଆଠଗଡ: ପୂର୍ବତନ ପ୍ରଧାନମନ୍ତ୍ରୀ ତଥା ବିଶିଷ୍ଟ ଅର୍ଥନୀତିଜ୍ଞ ଡ଼. ମନମୋହନ ସିଂହଙ୍କ ବିୟୋଗରେ ଆଠଗଡ ଯୁବ-ଛାତ୍ର କଂଗ୍ରେସ ପକ୍ଷରୁ ଶୋକ ପ୍ରକାଶ ପାଇଛି। ଆଠଗଡ କଂଗ୍ରେସ କାର୍ଯ୍ୟାଳୟରେ ଯୁବ କଂଗ୍ରେସ କଟକ ଜିଲ୍ଲା ଉପସଭାପତି ମନୋରଞ୍ଜନ ପଟ୍ଟନାୟକଙ୍କ ସଂଯୋଜନାରେ ଏକ ଶୋକ ସଭା ଅନୁଷ୍ଠିତ ହୋଇଥିଲା। ଏଥିରେ କଂଗ୍ରେସ ନେତା ପଟ୍ଟନାୟକଙ୍କ ସମେତ ଅନ୍ୟ କର୍ମକର୍ତ୍ତା ସ୍ବର୍ଗତ ଡ. ସିଂହଙ୍କ ବହୁମୁଖୀ ପ୍ରତିଭା ଏବଂ ଦେଶର ଅର୍ଥନୈତିକ ବିକାଶ ଓ ବିଭିନ୍ନ ଲୋକାଭିମୁଖୀ ଯୋଜନା ପ୍ରଣୟନ ଦିଗରେ ତାଙ୍କର ଅବଦାନ ଅତୁଳନୀୟ ବୋଲି ମତପ୍ରକାଶ କରିଥିଲେ । ପ୍ରାରମ୍ଭରେ ଡ.ସିଂହଙ୍କ ଫଟୋଚିତ୍ରରେ ମାଲ୍ୟାର୍ପଣ କରି କଂଗ୍ରେସ ନେତା ଓ କର୍ମୀମାନେ ଶ୍ରଦ୍ଧାସୁମନ ଅର୍ପଣ କରିବା ସହ ଦିବଂଗତ ଆତ୍ମାର ସଦଗତି ପାଇଁ ନୀରବ ପ୍ରାର୍ଥନା କରିଥିଲେ। ଯୁବ କଂଗ୍ରେସ ନେତା ସମ୍ବିତ ଦଳାଇ, ପ୍ରଶାନ୍ତ ବେହେରା, ଦେବବ୍ରତ ଦାସ, ଅଜୟ ନାଥ, ଛାତ୍ର କଂଗ୍ରେସ କର୍ମକର୍ତ୍ତା ଅଭିଷେକ ତୁଙ୍ଗସାମନ୍ତ, ସଂଗ୍ରାମ ବେହେରା ଯୋଗଦେଇ ଡ. ସିଂହଙ୍କ ସ୍ମୃତିଚାରଣ କରିଥିଲେ।
Comments are closed.