ପୁରସ୍କାର ବିତରଣୀ ଉତ୍ସବରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ଭାରତ ରତ୍ନ ସଚିନ ତେନ୍ଦୁଲକର, ରାଜ୍ୟପାଳ ପ୍ରଫେସର ଗଣେଶୀ ଲାଲ, କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଏଫଆଇଏଚ ସଭାପତି ନରେନ୍ଦର ବାତ୍ରା, ଅଲିମ୍ପିଆନ ଦିଲୀପ ତିର୍କୀ, ଅର୍ଥ ମନ୍ତ୍ରୀ ଶଶୀଭୂଷଣ ବେହେରା, କ୍ରୀଡ଼ା ଓ ଯୁବ ବ୍ୟାପାର ମନ୍ତ୍ରୀ ଚନ୍ଦ୍ରସାରଥୀ ବେହେରା, ଖଣି ଓ ଇସ୍ପାତ ମନ୍ତ୍ରୀ ପ୍ରଫୁଲ୍ଲ ମଲିକ ପ୍ରମୁଖ ଯୋଗ ଦେଇଥିଲେ। କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ନେଦରଲାଣ୍ଡସ୍ ଖେଳାଳିଙ୍କୁ ରୌପ୍ୟ ପଦକ ପ୍ରଦାନ କରିଥିଲେ। ରାଜ୍ୟପାଳ ପ୍ରଫେସର ଗଣେଶୀ ଲାଲ ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବେଲଜିୟମ ଖେଳାଳିଙ୍କୁ ସ୍ୱର୍ଣ୍ଣ ପଦକ ଓ ଚମ୍ପିଆନ ଟ୍ରଫି ପ୍ରଦାନ କରିଥିଲେ।
ଦର୍ଶକଙ୍କୁ ଧନ୍ୟବାଦ ଜଣାଇଲେ ମୁଖ୍ୟମନ୍ତ୍ରୀ
ଚତୁର୍ଦଶ ହକି ବିଶ୍ୱକପରେ ଦର୍ଶକଙ୍କ ଉତ୍ସାହ ଲାଗି ଦର୍ଶକଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଧନ୍ୟବାଦ ଜ୍ଞାପନ କରିଛନ୍ତି। ପ୍ରତି ମ୍ୟାଚକୁ ଦର୍ଶକ ଷ୍ଟାଡ଼ିୟମରେ ଶାନ୍ତି ଶୃଙ୍ଖଳାର ସହିତ ଦେଖିଥିଲେ। ସଫଳତାର ସହିତ ହକି ବିଶ୍ୱକପ ପରିଚାଳନା ନେଇ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ଦର୍ଶକଙ୍କୁ ଧନ୍ୟବାଦ ଜ୍ଞାପନ କରିଥିଲେ। ଚମ୍ପିଆନ ବେଲଜିୟମ ଓ ରନସଅପ ନେଦରଲାଣ୍ଡସ୍ ଖେଳାଳିଙ୍କୁ ତାରକସୀରେ ନିର୍ମିତ କୋଣାର୍କ ଚକ୍ର ଉପହାର ପ୍ରଦାନ କରାଯାଇଥିଲା। ସେହିପରି ଉଦ୍ଯାପନୀ ଉତ୍ସବରେ ଆତସବାଜୀ ସମଗ୍ର କଳିଙ୍ଗ ଷ୍ଟାଡ଼ିୟମ ପରିସରକୁ ଧୂଆଁମୟ କରି ଦେଇଥିଲା।
