ସମାଜ ଡିଜିଟାଲ ଡେସ୍କ: ଜନ୍ମଦିନ ଉତ୍ସବ ଚାଲିଥିବାବେଳେ ଭୁଲବଶତ ନିଜ ବନ୍ଧୁକରୁ ଫୁଟିଗଲା ଗୁଳି। ଏଥିରେ ପ୍ରାଣ ହରାଇଛନ୍ତି ଜଣେ ଭାରତୀୟ ଛାତ୍ର। ଆମେରିକାରେ ଏହି ଘଟଣା ଘଟିଛି।
ଛାତ୍ର ଜଣକ ହେଲେ ତେଲଙ୍ଗାନା ଅନ୍ତର୍ଗତ ଉପ୍ପଲ ଅଞ୍ଚଳର ୨୩ ବର୍ଷୀୟ ଆରୟନ ରେଡ୍ଡୀ। ସେ ଜର୍ଜିଆ ବିଶ୍ଵବିଦ୍ୟାଳୟରେ ସ୍ନାତ୍ତକୋତ୍ତର ଡିଗ୍ରୀ ପାଇଁ ଅଧ୍ୟୟନ କରୁଥିଲେ। ପୁଲିସ ସୂଚନା ଅନୁସାରେ, ଆରୟନ ନିଜ ସାଙ୍ଗମାନଙ୍କ ସହିତ ଜନ୍ମଦିନ ଉତ୍ସବ ପାଳନ ସମୟରେ ପାଖରେ ରଖିଥିବା ବନ୍ଧୁକକୁ ଧରିଥିଲେ। ଭୁଲକ୍ରମେ ତାହା ଫୁଟି ଯିବା ସହିତ ଆରୟନଙ୍କ ଶରୀରରେ ଗୁଳି ବାଜିଥିଲା। ଏଥିରେ ତାଙ୍କର ମୃତ୍ୟୁ ଘଟିଥିଲା। ଆରୟନ ପଶୁ ଶିକାର ପାଇଁ ସେଠାରେ ବନ୍ଧୁକ ଲାଇସେନ୍ସ ନେଇଥିଲେ।
ଆରୟନଙ୍କ ବାପା ସୁଦର୍ଶନ ରେଡ୍ଡୀ ଏହି ଘଟଣାରେ ଗଭୀର ଦୁଃଖପ୍ରକାଶ କରିବା ସହିତ ଅନ୍ୟ ଅଭିଭାବକମାନଙ୍କୁ ସତର୍କ ରହିବାକୁ ପରାମର୍ଶ ଦେଇଛନ୍ତି। ପିଲାମାନେ ପାଠ ପଢ଼ିବାକୁ ଯାଇ କିପରି ଅବାଟକୁ ଯାଉଛନ୍ତି ତାହା ଚିନ୍ତାର ବିଷୟ ବୋଲି ସେ କହିଛନ୍ତି। ଆରୟନ ଲାଇସେନ୍ସ ପ୍ରାପ୍ତ ବନ୍ଧୁକ ପାଖରେ ରଖିଥିବା ନେଇ ସେ ଅବଗତ ନ ଥିଲେ ବୋଲି ସୁଦର୍ଶନ କହିଛନ୍ତି।
Comments are closed.