ଆଠଗଡ : ଆଠଗଡ ବୁଦ୍ଧିଜୀବୀ ବରିଷ୍ଠ ନାଗରିକ ସଂଘ ତରଫରୁ ଆଠଗଡ କଣ୍ଡରେଇ ଗ୍ରାମ ପଞ୍ଚାୟତ ଅନ୍ତର୍ଗତ ମାଣିତ୍ରୀ ଗ୍ରାମରେ ୭୦ ଜଣ ଗରିବ ଶ୍ରେଣୀର ଆଦିବାସୀ ଓ ଅସହାୟ ମହିଳା ଓ ପୁରୁଷ ମାନଙ୍କୁ କମ୍ବଳ ବଣ୍ଟନ କରାଯାଇଛି | ଏହି କାର୍ଯ୍ୟକ୍ରମକୁ ଅନୁଷ୍ଠାନିକ ଭାବେ ସଙ୍ଘର ସଭାପତି ଇଂ ଶିବପ୍ରସାଦ ପଣ୍ଡା ଉଦଘାଟନ କରିଥିଲେ | ସଂଘ ତରଫରୁ ସଭାପତିଙ୍କ ସହ ଉପସଭାପତି ଇଂ ପ୍ରଭାତ କୁମାର ମିଶ୍ର, ସାଧାରଣ ସମ୍ପାଦକ ଗିରୀଶ କୁମାର ମିଶ୍ର, ସହ ସାହସମ୍ପାଦକ ଧରଣୀଧର ମହାପାତ୍ର, ସଭ୍ୟ ଡାକ୍ତର ରମେଶ କୁମାର ରାଉତ, ସଭ୍ଯ ସୁନିଲ କୁମାର ମହାନ୍ତି, ଇଂ ଉମେଶ ଚନ୍ଦ୍ର ସାହୁ ଓ ଶ୍ରୀ କମଳ ଲୋଚନ ସାହୁ ପ୍ରମୁଖ ଉପସ୍ଥିତ ରହି କମ୍ବଳ ବଣ୍ଟନରେ ସହଯୋଗ କରିଥିଲେ |
ଏହି କାର୍ଯ୍ୟକ୍ରମରେ କଣ୍ଡରେଇ ଗ୍ରାମ ପଞ୍ଚାୟତର ପୂର୍ବତନ ସରପଞ୍ଚ ତଥା ସମାଜସେବୀ ସୁଦାମ ଚରଣ ବେଉରା, ୱାର୍ଡ ସଭ୍ଯ ହରେକୃଷ୍ଣ ପରିଡା ଓ ଆଶା କର୍ମୀ ସମସାଦ୍ ବିବି ସହଯୋଗ କରିଥିଲେ | କାର୍ଯ୍ୟକ୍ରମ ପ୍ରାରମ୍ଭରେ ସଙ୍ଘର ସାଧାରଣ ସମ୍ପାଦକ ଗିରୀଶ କୁମାର ମିଶ୍ର କାର୍ଯ୍ୟକ୍ରମର ଉଦ୍ଦେଶ୍ୟ ଓ ଆଭିମୁଖ୍ୟ ଉପରେ ଆଲୋକପାତ କରିଥିଲେ | ଶେଷରେ ସମ୍ପୃକ୍ତ ଗ୍ରାମର ଅଙ୍ଗନବାଡି କର୍ମୀ ରୀନାଞ୍ଜଳି ନାଏକ ଧନ୍ୟବାଦ ଅର୍ପଣ କରିଥିଲେ । ଏପରି ମାନବୀୟ ସହାୟତା ପାଇଁ ପୂର୍ବତନ ସରପଞ୍ଚ ବେଉରାଙ୍କ ସମେତ ଗ୍ରାମବାସୀ ସଂଘର କର୍ମକର୍ତ୍ତାଙ୍କୁ କୃତଜ୍ଞତା ଜଣାଇଥିଲେ ।
Comments are closed.